________________
कलशपूजायां कथानकम् ॥
ता निसुणइ जलभरियं ढोएइ घडं जिणवरिंदस्स । सो पावइ सुपसत्थं परमपयं भावसुद्धीए ॥८॥ वरवारिभरिअघडगग्गरीउ ढोअंति जे जिणिदस्स । ते निम्मलनाणधरा धरंति सुगईए अप्पाणं ॥९।। इय सा सोऊण इमं मुणिंदमुहकमलनिग्गयं वयणं । ढोयइ तं चिय घडयं जलभरियं जिणवरिंदस्स ॥१०॥ सामिय मूढमणा हं जाणामि न तुज्झ संथवं काउं । तं होउ मज्झ पुन्नं तुह जलघडयस्स दाणेण ॥११।। सेसमहिलाहिं गंतुं सव्वं तं सासुयाइ परिकहियं । जह तुह सुन्हाइ घडो गंतुं दिन्नो जिणिंदस्स ॥१२॥ सोऊण इमं वयणं कोहेण हुँयवह व्व पज्जलिया । पभणइ तो जिणपुरओ देइ घडं किं न सीसंमि ॥१३।। पभणइ पुणो वि रुट्ठा न हु पविस्सइ महघरंमि सा दुट्ठा । परिगहियलउडहत्था चिट्ठइ सा घरदुवारत्था ॥१४॥ पविसंती नियगेहे निवारिया सासुयाइ सा सुन्हा । मा पविससु घडरहिया अज्ज घरे मज्झ तं पावे ॥१५।। न य पूइया य पियरो अज्ज वि न हुआसणो य तप्पविओ । ने य दिन्नं विप्पाण वि कह दिन्नो जिणहरे घडओ ॥१६॥ गंतूणं रोवंती कुंभारगिहमि भणइ कुंभारं । । बंधव मह देसु घडं हत्थाओ कंकणं घित्तुं ॥१७॥
१. घडयं ढोयइ जो जिणिंदस्स । २. संथुयं । ३. जलघडपयाणेण । ४. हुयवहु व्व । ५. जा । ६. पुइया य । ७. पिउरो । ८. तिप्पविओ । ९. न हु। १०. रोयंती। ११. कुंभारघरंमि ।
★ मा पविससु महगेहे घडरहिया अज्ज तं पावि ॥ इति पाठांतरम्
Jain Education International 2010_02
For Private & Personal Use Only
www.jainelibrary.org
