________________
कलशपूजायां कथानकम् ॥
__९७ कंचणकलसजलेणं भत्तीइ जिणेसरं न्हवेऊणं ॥ संपुन्नडोहला सा सूया सुइलक्खणा धूया ॥२८॥ विहियं च तीइ नामं सुपसत्थे वासरंमि नियपिउणा । कुंभसिरी अह बाला संपत्ता जुव्वणं परमं ॥२९।। देवि व्व पैरमरूवा भुंजइ हियइच्छियाई सुक्खाई । निवसंती पिउगेहे सुवल्लहा बंधवजणस्स ॥३०॥ इत्थंतरंमि पत्तो चउनाणी मुणिवरो वरुज्जाणे । बहुमुणिवरपरियरिओ नामेणं विजयसूरु त्ति ॥३१॥ नाऊण मुणिवरिंदं समागयं सह जणेण नरनाहो । धूयासहिओ चलिओ वंदणपडियाइ सूरिस्स ॥३२॥ दट्ठण मुणिवरिंदं दुराओ वाहणाई मुत्तूणं । वंदइ धूयाइ समं तिक्खुत्त(त्तो) पेयाहिणी(णि) काउं ॥३३॥ भत्तिभरनिब्भरंगो सेसे वि य मुणिवरे नमेऊणं । उवविठ्ठो गुरुमूले धम्मं सोउं समाढत्तो ॥३४।। इत्तो निवेण एगा नारी अह धूलिधूसरसरीरा । मेलमइलधूसरंगी बहुडिंभसएहिं परियरिया ॥३५॥ सीससमुट्ठियघडरूववाहिणा गरुयपिंडरूवेण । पीडिज्जंती अहियं दिट्ठा गुरुपायमूलंमि ॥३६।। भयवं का पुण एसा निच्चं बहुदुक्खदुक्खियसरीरा । दिट्ठा वि हु भयजणणी पच्चक्खा रक्खसी चेव ॥३७||
१. भत्तीए । २. संपन्न । ३. सुपसूया । ४. सोहणा । ५. कुंभसिरि त्ति पसिद्धा। ६. देवलोए । ७. बंधवजणाणं । ८. विजयसारु त्ति । ९. पडिसाइ । १०. वाहणा पमुत्तूणं । ११. पयाहिणं । १२. बहु । १३. जरमलिणचीवरंगी ।
★ सीसमुवट्ठियघडरूववाहिणी गरुयपिंडरूवेण । इति पाठांतरम्
Jain Education International 2010_02
For Private & Personal Use Only
www.jainelibrary.org
