________________
२१
सिरिकुम्मापुत्तचरिअम्
भावेण भरहचक्की तारिससुद्धतमज्झमल्लीणो । आयसंघरनिविट्ठो गिही वि सो केवली जाओ ॥१४०।। वैसग्गि समारूढो मुणिपवरे के वि दट्ठ विहरते । गिहिवेसइलापुत्तो भावेणं केवली जाओ ॥१४१।। आसाढभूइमुणिणो भरहेसरपिक्खणं कुणंतस्स । उप्पन्नं गिहिणो वि हु भावेणं केवलं नाणं ॥१४२।। मेरुस्स सरिसवस्स य जत्तियमित्तं च अंतरं होइ । दव्वत्थयभावत्थाण अंतरं तत्तियं णेयं ॥१४३।। उक्कोसं दव्वत्थयमाराहिअ जाइ अच्चुअं जाव । भावत्थएण पावइ अंतमुहुत्तेण णिव्वाणं ॥१४४।। अह मणुयखित्तमझे महाविदेहा हवंति पंचेव । इक्किक्कम्मि विदेहे विजया बत्तीसबत्तीसं ॥१४५।। बत्तीसपंचगुणिया विजया उ सयं हविज्ज सट्ठिजुअं । भरहेरवयक्खेवे संतरिसयं होइ खित्ताणं ॥१४६।। उक्कोसपए लब्भइ विहरंतजिणाण तत्थ सतरिसयं । इअ पासंगिअमुत्तं पक्कंतं तं निसामेह ॥१४७।। तत्थ य महाविदेहे सुपसिद्ध मंगलावईविजए । नयरी अ रयणसंचयनामा धणधन्नअभिरामा ॥१४८।।
१. अ गिहवासो; ट घ छ गिहिवासो । २. त ब वंसग्गसमारूढो । ३. क. ब. मुणिवरे; ट, मुणीवरे । ४. त. विरहंतो । ५. अ. क. ज. त. विजया इ सयं । ६. क सट्ठियं । ७. अ ख क ग घ त ब, खित्ताणि; छ. खेत्ताणि । ८. अ तत्थ सत्तरीसयइ; ट घ त. तत्थ सत्तरिसयं । ९. अ अप्पासंगिय; ग छ ज. इय. पासंगिय।
Jain Education International 2010_02
For Private & Personal Use Only
www.jainelibrary.org
