________________
सिरिकुम्मापुत्तचरिअम्
विरुदावलि बोल्लइ बंदिवृंद, चिरकालचतुरनरनंदवृंद । वरकामिणि नच्चइ अइसुरम्म, इअ उच्छव हूओ पुत्तजम्म" ॥१२२॥ अम्मा-पिऊहि तस्स य धम्मस्सुयदोहलानुसारेण । . नामं गुणाभिरामं पेयट्ठिअं धम्मदेवु त्ति ॥१२३।। उल्लावणेण कुम्मापुत्तु त्ति पइट्ठिअं अवरनाम । इअ तस्स सत्थयाइं दुन्नि पसिद्धाइं नामाई ॥१२४|| सो पंचहि धाईहिं हत्था हत्थम्मि अंकओ अंके । गिहिज्जंतो कुमरो सव्वेसिं वल्लहो जाओ ॥१२५।। बावत्तरि कलाओ सयमेव अहिज्जए सबुद्धीए ।
अज्झावओ य णवरं संपत्तो तत्थ सक्खित्तम् ॥१२६।। किन्तु
पुव्वभवंतरकयचेडबंधणुच्छालणाइकम्मवसा । सो वामणओ जाओ दुहत्थदेहप्पमाणधरो ॥१२७॥ निरुवमरूवगुणेणं तरुणीजणमाणसाणि मोहितो । सोहग्गभग्गजुत्तो कमेण सो जुव्वणं पत्तो ॥१२८|| तारुण्णे सव्वेसिं विसयविगारा बहुप्पगारा वि । सो पुण विसयविरत्तो कुम्मापुत्तो मुणियतत्तो ॥१२९।। हरिहरबंभाइसुरा विसएहि वसीकया य सव्वे वि । धन्नो कुम्मापुत्तो विसया वि वसीकया जेण ॥१३०॥
१. क घ च ज त. बिरदावलि; अ बुरदावलि । २. अ ग च छ त. बुल्लइ; ख बोलेइ; ज ट बोलइ । ३. ग ज ट. चिरकालि चतुरनरनंदवृंदः; ट. चिरकालिचतुरनरनंदनंद । ४. ख ट ब. पुत्तजम्मि । ५. अ ब त. पइट्ठिअं । ६. अ. सखियत्तं । ७. क. निरुवमरूवधरेणं । ८. ब. मोहंतो । ९. अ. कुम्मापुत्तो सुणियतत्तो; ट कुम्मापुत्तो मुणेयव्यो ।
___Jain Education International 2010_02
For Private & Personal Use Only
www.jainelibrary.org
