________________
सिरिजिणमाणिक्कविरइअं अणंतहंसविरइअं वा ॥ सिरिकुम्मापुत्तचरिअम् ॥
नमिऊण वद्धमाणं, असुरिंदसुरिंदपणयपयकमलं । कुम्मापुत्तचरित्तं, वोच्छामि अहं समासेणं ॥१॥ रायगिहे वरनयरे, नयरैहापत्तसयलपुरिसवरे । गुणसिलए गुणनिलए समोसढो वद्धमाणजिणो ॥२॥ दैवेहि समोसरणं, विहिअं बहुपावकम्मओसरणं । मणि-कणय-रैययसारप्पायारपहापरिप्फुरिअं ॥३|| तत्थ निविट्ठो वीरो, कणयसरीरो समुद्दगंभीरो । दाणाइचउपयारं कहेइ धम्मं परमरम्मं ॥४॥ दाण-तव-सील-भावणभेएहि चउव्विहो हवइ धम्मो । सव्वेसु तेसु भावो महप्पभावो मुणेयव्वो ॥५॥ भावो भवुदहितरणी, भावो सग्गापवग्गपुरसरणी । भवियाणं मणचिंतिअ-अचिंतचिंतामणी भावो ॥६॥ भावेण कुम्मपुत्तो अवगयतत्तो य अगहियचरित्तो । गिहवासे वि वसंतो, संपत्तो केवलं नाणं ॥७॥
१. अ. पुत्तस्स चरिय, छ. पुत्तचरियं । २. अ. रेखा । ३. ट. देविंद । ४. ब. समवसरणं । ५. अ. विविहं । ६. क ख च. रयणसारं । ७. ज त ब. सारप्पाकार। ८. छ ट ब चउप्पयारं । ९. ख. पुरिसरणी । १०. अ क ग ब. अवगयतत्तो अगहिअचारित्तो, त. अवगयतित्तो अगहिय । ११. ग. गिहिवासे ।
Jain Education International 2010_02
For Private & Personal Use Only
www.jainelibrary.org
