________________
जंबुचरियम् जा सो मुंडे लग्गो नाओ अह तेण तक्खणेणऽप्पा ।
वलिओ पडिवहहुत्तं, मिच्छामिह दुक्कडं भणियं ॥१००॥ तओ एवं च चिंतिउं पयत्तो; अवि य
"हा रे जीव अलज्जिर ! जिणवयणं पाविऊण भवमहणं । तत्थ वि जिणमयदिक्खं, तह वि तुमं कह पमाइलो ॥१०१॥ हा पापजीव ! भमिहिसि, अज्ज वि रोद्दम्मि भवसमुद्दम्मि । लहिऊण विरइरयणं जं मूढ ! तुमं पमाइल्लो ॥१०२॥ हा हा लहिऊण इमं जिणवयणं मूढ रज्जसे तह वि । संसारसायरे भमणकारए कह णु रज्जम्मि ॥१०३॥ चइऊण इमं मूढय ! तह वि य जुज्झम्मि वट्टसे कह णु । पहायहसि घडसएणं छिप्पिहसि न बिंदुणा तह वि ॥१०४॥ इच्छिहसि तुमं सोक्खं, रमिहसि पावम्मि निग्घिणो होउं ।
दुन्नि न हुँति हु मुद्धय !, इंदियसोक्खं च मोक्खं च ॥१०५॥ अन्नं च- को कस्स एत्थ पुत्तो, को व पिया को व सत्तु मित्तो वा ।
नारयतिरियनरामरगईसु अह हिंडमाणस्स ॥१०६॥ जेण - सव्वे जीवा पुत्ता, सव्वाण वि पुत्तओ अहं जाओ ।
सव्वे वि आसि वेरी सव्वे वि य बंधवा आसि ॥१०७॥ जेण - पुत्तो वि होइ वेरी, सत्तू वि य पुत्तओ पुणो होइ ।
माया वि होइ जाया, जाया वि य से भवे माया ॥१०८॥ भइणी वि होइ जाया, सा वि य मरिऊण अह भवे माया । धूया वि पुणो जायइ, जणयत्तं सा वि पावेइ ॥१०९॥ मरिऊण पुणो भायत्तणं पि पावेइ तह य पुत्तत्तं ।
तम्हा न को वि सत्तू, पुत्तो वा एत्थ संसारे ॥११०॥ अन्नं च-सव्वं इमं अणिच्चं धणधणियापुत्तबंधवं सयणं ।
देहो वि निओ एसो, मोत्तूणं सिद्धिसोक्खं तु ॥१११॥ अन्नं पि आउमाई सव्वं पि अणिच्छयं समक्खायं । जयजीवबंधुजिणवरमयाणुसारेण, भणियं च- ॥११२॥
___Jain Education International 2010_02
For Private & Personal Use Only
www.jainelibrary.org
