________________
२४७
सोलसमो उद्देसओ भणियं च- "अच्चणमवि बहुभेयं पुष्फसमालहणधूयदीवाई ।
एवं समायरंतो वि णेज्ज पुन्नं बहुविगप्पं" ॥६८५॥ [ ] "कुसुमाहरणविलित्तं काऊण जिणं पराए भत्तीए ।
जयजयसहुम्मीसं जिणाण थुइसंथवं कुणइ" ॥६८६॥[ ] जओ भणियं-"सयलावायविमुक्कत्तणओ सिरिरूवअइसयत्तणओ ।
सोमं वियाररहियं जिणिदइंदाण मइविमलं ॥६८७॥ [ ] निरुवमगुणं निहाणं पयइपसन्नमवि गरुयलायन्नं ।
ट्रूण देवसोहं तिहुयणनाहत्तणुब्भवणं ॥६८८॥[ ] विमलगुरुभत्तिनिब्भरहरिसवसुब्भिन्नबहलरोमंचो ।
जयजयसहुम्मीसं करेज्ज एक्कं पि पणिवायं" ॥६८९॥ [ ] जओ- "एक्को वि नमोक्कारो जिणवरवसहस्स वद्धमाणस्स ।
संसारसागराओ तारेइ नरं व नारिं वा" ॥६९०॥ [सिद्धस्तव/गा.३] तह य जिणवयणं
"सज्झायझाणविणया चिइवंदणपूयणाइकिरियाओ ।
वेयावच्चं च तहा कुणमाणो हणइ संसारं" ॥६९१॥ [ ] अन्नेहि वि भणियं
"जिणवंदणं कुणंतो विणएणं वंदणाइ साहूणं ।
खवइ विविहं सुबहुयं असुहं पुव्वज्जियं कम्म" ॥६९२॥ [ ] तह जिणागमो
"वंदणमरिहंताणं तिगरणसुद्धं पराए भत्तीए । जीवपएसनिबद्धं विहुणइ घणचिक्कणं कम्मं ॥६९३॥ [ ] झाएइ वंदणत्थं मणसा वायाए घोसइ पयाई । काएण विणयपणओ वंदंतो सोग्गई लहइ ॥६९४॥ [ ] पूएउं जिणमेयं अहवा पढम पि कुणइ सामइयं ।
जिणभवणे व घरे वा पुरओ वा अहव साहूणं" ॥६९५॥ [ ] भणियं च- "चेइयसाहुसमीवे पोसहसालाए अहव निययघरे ।
जत्थ व वीसमइ मणो तत्थ हु सामाइयं कुणइ ॥६९६॥ [ ]
Jain Education International 2010_02
For Private & Personal Use Only
www.jainelibrary.org
