________________
२४१
सोलसमो उद्देसओ
तवसंजमनियमरयस्स जंबुसामिस्स झाणनिरयस्स । निम्मलचित्तस्स सया भावणपरिभावियमइस्स ॥६१६॥ कम्मविवायं विविहं चिंतेमाणस्स भवसरूवं च । जिणवरवयणं च तहा निच्चं चिय अणुगुणंतस्स ॥६१७॥ धुयमायाकलिमलनिम्मलस्स जियसव्वलोहतण्हस्स । खंतिपहाणस्स तहा सययं मज्झत्थचित्तस्स ॥६१८॥ एवं विसुद्धजोगस्स तस्स निद्दड्वकम्मकिट्टस्स । जोगंतरसंकमणं जायं परिणामसुद्धस्स ॥६१९॥ उल्लसियं सुहझाणं ठिओ य सामाइयंमि पवरंमि । परिणयजोगस्स तओ अउव्वकरणं अह पवत्तो ॥६२०॥ जाया य खवगसेढी उल्लसियं जीववीरियं ताहे । निहया य कम्मसत्ती विवड्डिओ तह य झाणग्गी ॥६२१॥ पढम चिय निद्दड्डा चउरो वि अणंतबंधिणो तेण । मिच्छत्तमोहणीयं खवियं मीसं पुणो सम्मं ॥६२२॥ लंघिय नियट्टिठाणं खाइयसम्मत्तकारणं एयं । दड्ढे अट्ठकसाए नपुंसवेयं पुणो भणियं ॥६२३॥ इत्थीवेयं च पुणो द8 हासाइछक्कमन्नं च । खवियं च पुरिसवेयं दड्ढे कोहाइसंजलणे ॥६२४॥ खविये य लोहखंडे पच्छिमखंडं च किट्टियो काउं । सो सुहमसंपराओ तं वेयंतो मुणी जाओ ॥६२५॥ पुण चरणमहक्खायं पत्तो सो तं पि लंघिउं भयवं । वीसमिउं खणमेक्कं निइं पयलं हणइ पढमे ॥६२६॥ नाणस्स य आवरणं पंचविहं दंसणं चउविगप्पे । पंचविहमंतरायं खवेइ अह बीयसमएण ॥६२७॥ अह सव्वदव्वपरिणामभावविन्नत्तिकारणं परमं । सासयमव्वाबाहं केवलनाणं समुप्पण्णं" ॥६२८॥
Jain Education International 2010_02
For Private & Personal Use Only
www.jainelibrary.org
