________________
२३४
" एयंमि अवसरंमि [य] हरिसभरिज्जंतणाढियसुरेण । सज्जावियं जिणहरं रइया पूया बहुपयारा ॥५२७॥ नाणाविहरयणेहिं देवंगविचित्तवत्थकुसुमेहिं । निम्मविया वरपूया लोयगुरूणं जिणिदाणं ॥ ५२८ ॥ विविहाओं ऊसियाओ धयाओ दिप्पंतरयणपउराओ कुंकुमरसेण लित्तं जिणहरमणिकोट्टिमतलं च ॥५२९॥ ण्हवियाओ जिणिंदाणं पडिमाओ तह पुणो विलित्ताओ । आरोवियाई ताहे कुसुमाइं बहुपयाराई" ॥५३०॥ पडुपडहसंखकाहलगुहिरं च पवज्जियं महातूरं । जय जय जय त्ति घुट्टं सव्वेण समागयजणेण ॥ ५३१ ॥ अह एवं च पयट्टे हलवोले बह (हि) रिए दिसाचक्के । जंबुपमुहिं ताहे निक्खित्ते निययआहरणे ॥ ५३२॥ पट्टए य मुक्के गहिये गोखीरहंसहारपभे । दिव्वंसुए पत्थे उवणीए नरवरिंदेण ॥५३३ ॥ तक्कालिओ य वेसो गहिओ य महाजईण जो जोगो । परिसंठिया जिणाणं पुरओ नमिउं जिणं ताहे ॥५३४ || पवणविहिणा गुरुणा सव्वेसिं जंबुसामिपमुहाणं । बहुपावरओहरणे रयहरणे अप्पिए ताहे ॥५३५ ॥ उप्पाडियाओ गुरुणा जुवईहिययं व कुडिलभंगाओ । सुसिणिद्धतरंगाणं साणं तिन्नि मुट्ठीओ ||५३६|| उच्चारियं च भवसयसहस्ससंबद्धपावमलहरणं । वाराओ तिन्नि सामाइयं च अह जंबुपमुहेहिं ॥५३७॥ कयभंते ! सामइओ तिविहं तिविहेण जाव जीवं पि । सव्वं सावज्जं मे जोगं परिवज्जियं इण्हि ॥ ५३८ ॥
Jain Education International 2010_02
For Private & Personal Use Only
जंबुचरियम्
www.jainelibrary.org
