________________
२२८
जंबुचरियम् उदयधराधरसिहरं व सरयपडिपुन्नमंडलमियंको । आरूढो वरसिवियं सहस्सवोझं अहकुमारो ॥४५८॥ जणणि-जणएहि सहिओ जायापरिवारिओ सयणकलिओ ।
पुणरवि अणुगम्मतो नीहरिओ निययगेहाओ ॥४५९॥ तओ संचलियाणंतरं च कह पुण पवज्जियं तूरं ?अवि य- संखपडुपडहजयसद्दसंमीसयं मंगलुग्गीयकलसद्दवरकाहलं ।
विलयनच्चंतअक्खित्तजणमाणसं वज्जियं तूरयं भुवणसंखोहणं ति ॥४६०॥ तओ पसरंतेहिं मंगलपाढयजयजयासद्दहलबोलेहिं, कीरंतेहिं मंगलथुइसंभूयगुणसंथवणेहिं, गिज्जंतेहिं कलमंगलगीयसद्देहि, दिज्जंतेणं महादाणनिहायसंचएणं, पक्खिप्पंतेणं थोरमुत्ताहलनियरेणं, पयच्छिज्जंतेणं कडयकुंडलमणिमेचएणं, अवहत्थिज्जंतेहिं कणयकलहोयथालसमूहेहिं, अवमन्निज्जंतेहिं दुगुल्लजुयलेहि, उब्भिज्जंतेहि रल्लयकंबलएहिं, विक्खिप्पंतेहिं कोमलनेत्तपट्टएहिं, काणच्छिज्जतेहिं वामलोयणवंतकडक्खिएहिं, वइज्जतेहिं दीणारनाणारूवयकरंबकयारुक्केरएहिं ति । अवि य- तं नत्थि जं न लब्भइ भुवर्णमि य नत्थि जं न तत्थ त्थि ।
मोत्तूण कडुयवयणं जणमणपरिसोसणसमत्थं ॥४६१॥ तओ- वज्जंततूरमंगलजयजयजयसद्दहलहलारावे ।
बंदियणकीरमाणे अवइन्नो रायमग्गंमि ॥४६२॥ एवं च नीहरते जंबुकुमारंमि पुरजणो सयलो । जो जत्तो च्चिय निसुणइ तहुज्जयं धाइ सो तत्तो ॥४६३।। ताव य पत्तो जंबू लीलाए तुंगभवणपडिपुन्नं ।
नरय(यर)स्स मज्झदेसं जणसयसंबाहपरिकलियं ॥४६४॥ ताव य को वुत्तंतो नायरयजणस्स संवट्टिउं पयत्तो ?अवि य- मुंचंति गवक्खयसंठियाओ काओ वि सहरिसं तस्स ।
पुरओ दिप्पंतीओ रयणालंकारवुट्ठीओ ।।४६५॥ महुयररवमुहलाओ दसद्धवरकुसुमपवरमालाओ। पासायसंठियाओ उवरिं मुंचंति अन्नाओ ॥४६६।।
Jain Education International 2010_02
For Private & Personal Use Only
www.jainelibrary.org
