________________
२२७
सोलसमो उद्देसओ
दिव्वं च खोमजुयलं नियंसियं पवरकडियलाहरणं । सव्वंगो(गे?) य विलित्तो पवरहरियंदणरसेण ॥४४६।। एवं सयलाहरणो काऊणं सुरवरेण हितॄण । भणिओ जंबुकुमारो पयडियगुरुनेहपसरेण ॥४४७॥ तित्थयरेण व भुवणं सुरलोओ धीर ! जह सुरिंदेण । सुयनाणं पसमेणं सुकुलवहू जह व सीलेण ॥४४८॥ गयणं व मियंकेणं जंबूदीवं व मेरुणा सहइ । मरगयमणीहि उयहि व्व जलहरो इंदचावेण ॥४४९॥ सोहइ नाणेण जहा जंतुगणो तह तुमे वि अम्हाण । एस विरायइ वंसो कुलभूसणचरमकेवलिणा ॥४५०॥ सिट्ठो य तस्स सव्वो संबंधो जह य चरमजयगुरुणा । वीरजिणेणं कहिओ सेणियनरनाहपुढेण ॥४५१॥ जाव अणाढियजक्खो सोऊणेवं पणच्चियं तत्थ । पुढे च सेणिएणं नच्चइ किं एस परिमुइओ ॥४५२॥ जह भगवया वि सिट्ठो सेणियरायस्स तस्स पुव्वभवो । तह सव्वं परिकहियं कुमरस्स अणाढियसुरेण ॥४५३॥ सोऊण इमं सव्वं जंबुकुमारेण चुल्लबप्पो त्ति । काऊणं पणिवइओ हिटेणं सुरवरो तत्थ ॥४५४॥ ताओ वि तस्स विलयाहिं जंबुकुमरस्स पवरजायाओ । मंडियपसाहियाओ कयाओ वरभूसणभराओ ॥४५५।। जणणि-जणयाओ ताहे पसरियसंदोसनिब्भरा जाया । पव्वज्जाएऽभिमुहा निव्वत्तियसयलसिंगारा ॥४५६।। आणत्तो कुमरेणं व परियणो देह घोसणापुव्वं । तिय-चच्चरेसु दाणं किमिच्छियं सयललोयाण ॥४५७।।
Jain Education International 2010_02
For Private & Personal Use Only
www.jainelibrary.org
