________________
जंबुचरियम् जह रायभयं जायं संसारभयं पि होइ तह एत्थ । कूओ य गब्भवासो मुत्तासुइरुद्दिरदुहपुन्नो ॥८२॥ जह असुइप्पक्खेवो जणणीपरिणामियस्स तह होइ । निस्संदो नायव्वो पाणन्नाईण दव्वाणं ॥८३॥ जह निग्गमणं जायं कह वि हु निद्धमणजलसमूहेण । जोणिदुवारेण तहा निग्गमणं होइ जीवस्स ॥८४॥ धाईपडियरणं जह नायव्वा तह य होइ निउणेहिं ।
देहोवग्गजणणी कम्माणं संतई एत्थ" ॥८५॥ ता- ललियंगो इव नाहं पाउक्खालस्स सुयणु सरिसंमि ।
गब्भंमि विसामि पुणो तुम्ह कए देविसरिसीणं ॥८६॥ अन्नं च इमं सव्वं धम्माधम्माण जं फलं लोए । पच्चक्खं चिय दीसइ तं मुद्धे जेण भणियं च ॥८७॥ "अविरयडझंतागरुविसंखलुच्छलियधूमपडहच्छे । एक्के वसंति भुवणे निबद्धमणिनिम्मलुल्लोए ॥४८॥ [ ] अन्ने विरड्यफुफुयविणिमधूमोलिपूरिउच्छंगे । जुन्ननिहोतणविवरंतरालपरिसंठियभुयंगे ॥८९॥ [ ] एक्के धवलहरोवरि मियंककरदंतुरे सह पियाहि । लीलाए गमति निर्सि पेसलरयचाडुकम्मेहिं ॥१०॥[ ] अन्ने वि सिसिरमारुयसीयपवेविरसमुटुमि( द्धिसि )यदेहा । कह कह वि पियारा(र)हिया वाइंता दन्तवीणाओ ॥९१॥ [ ] एक्के कंचणपडिबद्धथोरमोत्ताहलुब्भडाहरणा । विलसंति बहलकुंकुमफँसलियवच्छत्थलाभोया ॥१२॥[ ] अन्ने वि विसममहियलनिसम्मणुप्पन्नकिणियवोंगिल्ला । मलिणजरकप्पडोच्छइयविग्गहा कह वि हिंडंति ॥१३॥ [ ] एक्के पूरिति मणोरहाइं जं मग्गिराण पणईण । अन्ने पुण परघरहिंडणेण कुच्छि पि न भरंति" ॥१४॥ [ ]
Jain Education International 2010_02
For Private & Personal Use Only
www.jainelibrary.org
