Page Text
________________
छट्टो उद्देओ
दिट्ठो जिदि किल तं पावपणास जयंमि सुपसिद्धो । गोसाल - संगमाणं तुमं पि भवहेउओ जेणं" ॥१९९॥
ता एवं ताव तित्थगरदरिसणं दुल्लहं । तओ तस्स सुहासियं । तं च सोउं कम्मरुययाए सद्दहिउं । जो वि कम्मविसुद्धीए सद्दहइ, सो वि संजलणकसाओदएणं पडिवज्जइ चरित्तं । जो वा सचक्खुओ निमीलियच्छो चिट्ठेइ, किं तस्स सूररस्सीओ करंति। एवं अरहंतवयणं सोउं न इच्छइ, सुयं वा न सद्दहइ, सद्दहंतो वा न करेइ, तस्स मोहं तित्थगरदरिसणं ।
1
ता एयं सोऊणं परोप्परं मंतिऊण निक्खता । तत्थेव समोसरणे कम्मंतकरा य संवुत्ता ॥छ
९९
ता एवं तायंम ! अईव सुदुल्लहं जिणगणहराईण सुदंसणं । दंसणाओ उवएसदाणं । तस्स वि तब्भणियवयणकरणं ति । ता सव्वहा जइ सयं न गिण्हामि सुहंमसामिणो पायकमलमूले सव्वसावज्जविरइलक्खणं जइधम्मं; तो कत्थ पुणो रागदोसमोहमूढमाणसाणं असुहकम्मगरुयभरभारक्कंतदेहाणं चउगइसंसारसायरे अरहट्टघडिय व्व अबद्धमूलं सययं चिय इओ तओ परिभ्रमणमहादुक्खसमक्कंतनासग्गविलग्गनिययपाणाणं अचितचिंतामणितुल्लं गुविलासंचारमहाकंमकंतारमहिंधणपज्जलियजलणभूयं सिवसुहामयपरमेक्कमहानिहाणं, नरयमहंधकूवनिवडण दढमहाबलं बलकप्पं, किं 'बहुणा, सव्वसत्तअणाइक्खणीयपरमसुहपहाणेक्ककारणं तित्थयराईण दंसणं ति । अह कह वितं पि पत्तं, तहा वि विसयविसवेगपरायत्तनिययमाणविगलियविवेगरयणसाराणं, कल(लु)सियकुसत्थअत्थनियमईणं, कुसासणा अवहयसच्छभावाणं, पण्डु ( म्हु) ट्ठ अचिन्तचिंतामणिकप्पं(प्प)जिणोवएसपरमत्थगब्भाणं । कत्तो अम्हाण मणुयासुरसुंदरीवंदियकमकमलजुयलाणं सव्वदरिसीण जिणयंदाणं अमयनिस्संदभूए सव्वसत्तपरमेक्कहियकार तेसिं वयणे धम्मपडिवत्ति त्ति । अह कह वि जाया, तहाविहवीरियन्तरायोदएण कम्मगरुयत्तणेण य तहाविहपावमित्तपसंगेण य कत्तो सव्वसावज्जजोगविरइलक्खणं महापुरिसतित्थयराई अणुचिन्नं असेसपयत्थभावविभावयकेवलवरनाणदंसणलच्छिअणुवहयपरमेक्कमहाकारणभु (भू) यं भाववयगहणं ति । ता सव्वहा वि विसज्जेह ममं ति ।
Jain Education International 2010_02
For Private & Personal Use Only
www.jainelibrary.org
| SR No. | 002554 |
| Book Title | Jambuchariyam |
| Original Sutra Author | N/A |
| Author | Jinvijay, Chandanbalashree |
| Publisher | Bhadrankar Prakashan |
| Publication Year | 2009 |
| Total Pages | 318 |
| Language | Sanskrit |
| Classification | Book_Devnagari & Literature |
| File Size | 12 MB |