________________
जंबुचरियम् तहा- कूडतुल-कूडमाणं तप्पडिरूयं विरुद्धगमणं च ।
तक्करयाणपओगं तेनाहडयं च वज्जेइ ॥६९॥ तहा- अपरिग्गहिया इत्तर अणंगकीडा उ परविवाहं वा ।
तिव्वो तहाहिलासो वज्जेई कामभोएसु ॥७०॥ तहा- खेत्तं वत्थु हिरन्नं तहा सुवन्नं धणं धन्नं च ।
दुपयं चउप्पयं वा कुवियपमाणं न अक्कमई ॥७१॥ एवंमाई.......जे अन्ने संसारहिंडणनिमित्ते ।
सुहपरिणामो सययं भावेणं ते विवज्जेइ ॥७२॥ तहा- दिसिवयभोगुवभोगे अणत्थदंडे गुणव्वया सिक्खा ।
सामाइयदेसवगासियं च पोसहऽतिहिविभागो ॥७३॥ उड्डाहतिरिदिसुगुणव्वयस्स गहियस्स नो अइक्कमइ । उड्ढदिसाइपमाणं वुढेि सइ अंतरखं वा ॥७४॥ भोगुवभोगु गुणवयं दुविहं इह जिणवरेहिं पन्नत्तं । भोयणओ कम्मयओ एक्केक्के सुणसु अइयारे ७५॥ सचित्तमीसप्पउलियदुप्पउलियओसही तहा तुच्छा । भोयणओ अइयारा भोगुवभोगंमि नायव्वा ॥७६॥ इंगाली वण साडी भाडी फोडी विवज्जए कंमे । लक्ख रस केस दंते विसविसए तह य वाणिज्जे ॥७७॥ पीलणकंमं निलंछणं च सर-दह-तलायसोसं च । असईपोसं च तहा वज्जे[य] कंमओ यावि ॥७८॥ अज्झवसाणायरिए पमायचरिए य हिंसदाणे य । पावुवएसे य तहा अणटुटुंडे य चउभेए ॥७९॥ कंदप्पं कुक्कुइयं मोहरियं तह य जुत्तअहिगरणं । उवभोगपरीभोगाहियं च डंडंमि अइयारा ॥८॥
Jain Education International 2010_02
For Private & Personal Use Only
www.jainelibrary.org
