________________
७६
जंबुचरियम् भणियं च- "वसणविओओ इयरो वि उज्झिउं नेय तीरइ भडाण ।
किं पुण सहोयरो वच्छलो य जेट्ठो पियातुल्लो" ॥२९३॥ [ ] अन्नेहिं वि भणियं
"सुयणस्स विहलियस्स वि, पुणो वि सुयणेण हो इ] उद्धरणं । पंकपु( प )डियं गइंदं, को कड्डइ वरगयं मोत्तुं" ॥२९४॥ [ ] तेण य गंतूणं सो, भणिओ वच्चम्ह तं घरं तेण ।
अलमेयावत्थस्स य, घरगमणे तेण पडिभणियं ॥२९५।। अन्नं च- आसन्नीभूयं चिय, मम मरणं नत्थि एत्थ संदेहो ।
परभवपच्छयणणं, ता परमो बंधवो होही ॥२९६॥ नाउं जहा न जीवइ, दिन्नं अह तस्स अणसणं तेण । मरिऊण एस जाओ, जंबूदीवाहिवो जक्खो ॥२९७॥ मम भाउणो य एसो, पुत्तो किर चरिमकेवली होही । एएण कारणेणं, पणच्चिओ एस जक्खवरो ॥२९८॥ भणियं च सेणिएणं, भयवं ! एयस्स सो पुणो भाया । सायरदत्तायरिओ, कत्थुववन्नो तवं काउं ।।२९९।। अह भगवया वि भणियं, उप्पाडेऊण केवलं नाणं । पडिबोहियभव्वजणो, सिद्धिपुरि सो गओ अमलो ॥३००॥ एयम्मि अवसरम्मी, सव्वे वि समुट्ठिया जिणं नमिउं । भयवं पि तिहुयणगुरू, जिणयंदो विहरिओ वसुहं ॥३०१॥ अह ताओ देवीओ, चत्तारि वि विज्जुमालिपत्तीओ । नमिऊण चलणकमलं, पसन्नचंदस्स पुच्छंति ॥३०२॥ इह जम्मविउत्तीणं, भयवं ! ऽम्हं विज्जुमालिदेवेण । सह संबंधो होही, किं वा वि न अन्नजम्मम्मि ॥३०३॥ केवलिणा वि य भणियं, तुम्हे चविऊण देवलोगाओ । एत्थेव य नयरम्मी, होहिह अह वणियधूयाओ ॥३०४॥
Jain Education International 2010_02
For Private & Personal Use Only
www.jainelibrary.org
