Paumchariu Part 3

SR No.: 002525
Original Sutra Author: Swayambhudev
Author: H C Bhayani
Publisher: ZZZ Unknown
Publication Year: 1960
Total Pages: 388
Language: Sanskrit, English
Classification: Book_Devnagari & Literature
File Size: 19 MB

Page 167

क०७, १-९,८,१-१२]
जुज्झकण्डं-एक्कहत्तरिमो संधि [१०७ .
आढत्तु सत्तु-सन्तावणेण: अहिसेउ जिणिन्दों रावणेण ॥ १ पहिलउ जि भूमि-पक्खालणेण पुणु मङ्गलग्गि-पज्जालणेण ॥ २ भुवणिन्द-विन्द-पडिवोहणेण अमिएण 'वसुन्धर-सोहणेण ॥ ३ वर-मेरु-पीढ-पक्खालणेण. जण्णोवईए रिव-चालणेण (१) ॥ ४ । कडयङ्गुलि-सेहर-वन्धणेण . 'कुसुमञ्जलि पडिमा-'थावणेण ॥ ५ महि-संसण-कलस-णिरोहणेण पुणरवि-पुष्फञ्जलि-घत्तणेण ॥ ६ अग्घेण अमर-आवाहणेण • णाणपविहेण अवयारणेण ॥ ७ जय-मङ्गल-कलसुक्खिप्पणेण जलधारोवरि-परिधिप्पणेण ॥ ८
॥ घत्ता ॥ अइरावय-मय-रिखें भसलाइखें किङ्कर-पवर-पराणिऍण । अहिसिञ्चिउ सुर-सारउ सन्ति भडारउ पुण्ण-पवित्तें पाणिऍण ॥९
[८] करि-मयर-करग्गप्फालिएण भिङ्गार-फार-संचालिएण ॥ १ महुअरि-उवगीय-वमालिएण अलि-वलय-मुहल-सम-लालिएण ॥२ ।। अह पर-दुक्खेण व सीयलेण - सज्जण-वयणेण व उजलेण ॥३ मलय-रुह-वणेण व सुरहिएण सइ-चित्तेण व मल-विरहिएण ॥४ अहिसिश्चिउ तेणामल-जलेण पुणु णव-घएण महु-पिङ्गलेण ॥५ पुणु सङ्क-कुन्द-जस-पण्डुरेण गङ्गा-तरङ्ग-उब्भङ्गुरेण ॥ ६ हिमगिरि-सिहरेण व साडिएण ससहर-विम्वेण व पाडिएण ॥७ मोत्तिय-हारेण व तुट्टएण सरयन्भ-उरेण वै फुट्टएण ॥ ८ खीरेण तेण सु-मणोहरेण पुणु सिसिर-पवाहें मन्थरेण ॥९ अविणय-पुरिसेण व थड्डएण णव-दुमेण व साहा-वद्धएण ॥१० पुणु पडिमुव्वत्तण-धोवणेण चुण्णेणं जलेण गन्धोवएण ॥११
॥ घत्ता॥ कप्पूरायरु-वासिउँ घुसिणुम्मीसिउ तं गन्ध-जल स-णेउरहों। दिण्णु विहूवि राएं णं अणुराएं हियउ सव्वु अन्तेउरहों ॥ १२
7. 1 A :इं६०. 2 अण्णोवइयं. 3 A °वद्धणेण. 4 This pāda is missing in A. 5 A °णिरावणेण. 6 A अग्गेण अगर'. 7 8 भसलसमिद्धे. 8 A रामवेण. ____8. 1 A "करग्गु'. 2 A हिमइरि . 3 A मयगन्भउडेण. 4 s फुट्टन्तएण. 5 s चुण्णाण. . 6 A °वासियउ, A °वासिउं. •7 A °यलु.
[७] १T भूमिशोधनेन. २ T स्थापनम्. ३ T आह्वानम्.