________________
१७११
षष्ठ उद्देशः। शस्याः शिष्यास्त्रयस्तत्पदसरसिरुहोत्सङ्गशृङ्गारभृङ्गा,
विध्वस्तानङ्गसङ्गाः सुविहितविहितोत्तुङ्गरङ्गा बभूवुः । तत्राद्यः सच्चरित्रानुमतिकृतमतिः श्रीजगचन्द्रसूरिः, श्रीमद्देवेन्द्रसूरिः सरलतरलसच्चित्तवृत्तिर्द्वितीयः ॥ १० ॥ तृतीयशिष्याः श्रुतवारिवार्धयः,
परीषहाक्षोभ्यमनःसमाधयः । जयन्ति पूज्या विजयेन्दुसूरयः,
परोपकारादिगुणौघभूरयः ॥ ११ ॥ प्रौढं मन्मथपार्थिवं त्रिजगतीजैत्रं विजित्यैयुषां,
येषां जैनपुरे परेण महसा प्रक्रान्तकान्तोत्सवे । स्थैर्य मेरुरगाधतां च जलधिः सर्वसहत्वं मही,
सोमः सौम्यमहर्पतिः किल महत्तेजोऽकृत प्राभृतम् ॥ १२ ॥ वापं वापं प्रवचनवचोबीजराजी विनेय
क्षेत्रवाते सुपरिमलिते शब्दशास्त्रादिसीरैः । यैः क्षेत्रज्ञैः शुचिगुरुजनाम्नायवाक्सारणीभिः, सिक्त्वा तेने सुजनहृदयानन्दि सज्ज्ञानसस्यम् ॥ १३ ॥ यैरप्रमत्तैः शुभमन्त्रजापै
बेतालमाधाय कलिं खवश्यम् । अतुल्यकल्याणमयोत्तमार्थ
सत्पूरुषः सत्त्वधनैरसाधि ॥ १४ ॥ किं बहुना ?
ज्योत्स्नामञ्जुलया यया धवलितं विश्वम्भरामण्डलं,
या निःशेषविशेषविज्ञजनताचेतश्चमत्कारिणी । तस्यां श्रीविजयेन्दुसूरिसुगुरोर्निष्कृत्रिमाया गुणश्रेणेः स्याद् यदि वास्तवस्तवकृतौ विज्ञः स वाचांपतिः ॥ १५ ॥ तत्पाणिपङ्कजरजःपरिपूतशीर्षाः,
शिप्यास्त्रयो दधति सम्प्रति गच्छभारम् । १°तधीपयोधयः, भा० ॥२ °त्येयु भा० ॥ ३ °ल लसत्तेजो भा० ॥
४ यैश्चान्द्ररिव धामभिर्धवलितं विश्वम्भरामण्डलं,
ये निःशेष विशेषविज्ञजनताचेतश्चमत्कारिणः । तेषां श्रीविजयेन्दसूरिसुगरोनिष्क्रत्रिमाणां गण
ग्रामाणां यदि वास्तवस्तवकृतौ विज्ञो भवेद् गीपतिः ॥१५॥ भा०॥ ५ तत्पादपङ्कजरजःपरिपिञ्जराङ्गाः, शिप्या भा० ॥
25
Jain Education International
For Private & Personal Use Only
www.jainelibrary.org
