________________
॥ अथ प्रशस्तिः
॥
10
सौवर्णा विविधार्थरनकलिता एते षडदेशकाः,
श्रीकल्पेऽर्थनिधौ मताः सुकलशा दौर्गत्यदुःखापहे । दृष्ट्वा चूर्णिसुबीजकाक्षरततिं कुश्याऽथ गुर्वाज्ञया,
खानं खानममी मया ख-परयोरर्थे स्फुटार्थीकृताः ॥ १ ॥ श्रीकल्पसूत्रममृतं विबुधोपयोग
योग्यं जरा-मरणदारुणदुःखहारि । येनोद्धृतं मतिमथा मथिताच्छ्रुताब्धेः, ___श्रीभद्रबाहुगुरवे प्रणतोऽस्मि तस्मै ॥२॥ येनेदं कल्पसूत्रं कमलमुकुलवत् कोमलं मञ्जुलाभि___ोभिर्दोषापहाभिः स्फुटविषयविभागस्य सन्दर्शिकाभिः । उत्फुल्लोद्देशपत्रं सुरसपरिमलोद्वारसारं वितेने, तं निःसम्बन्धबन्धुं नुत मुनिमधुपाः ! भास्करं भाष्यकारम् ॥ ३ ॥ श्रीकल्पाध्ययनेऽस्मिन्नतिगम्भीरार्थभाष्यपरिकलिते । विषमपदविवरणकृते, श्रीचूर्णिकृते नमः कृतिने ॥ ४ ॥ श्रुतदेवताप्रसादादिदमध्ययनं विवृण्वता कुशलम् । यदवापि मया तेन, प्राप्नुयां बोधिमहममलाम् ॥ ५॥ गम-नयगभीरनीरश्चित्रोत्सर्गा-ऽपवादवादोमिः ।। युक्तिशतरत्नरम्यो, जैनागमजलनिर्जियति ॥ ६॥ श्रीजैनशासननभस्तलतिग्मरश्मिः, __ श्रीसद्मचान्द्रकुलपद्मविकाशकारी । खज्योतिरावृतदिगम्बरडम्बरोऽभूत् ,
श्रीमान् धनेश्वरगुरुः प्रथितः पृथिव्याम् ॥ ७ ॥ श्रीमच्चैत्रपुरैकमण्डनमहावीरप्रतिष्ठाकृत
स्तस्माच्चैत्रपुरप्रबोधतरणेः श्रीचैत्रगच्छोऽजनि । तत्र श्रीभुवनेन्द्रसूरिसुगुरुर्भूभूषणं भासुर
ज्योतिःसद्गुणरत्नरोहणगिरिः कालक्रमेणाभवत् ॥ ८॥ तत्पादाम्बुजमण्डनं समभवत् पक्षद्वयीशुद्धिमान् ,
नीर-क्षीरसदृक्षदूषण-गुणत्याग-ग्रहैकव्रतः । कालुष्यं च जडोद्भवं परिहरन् दूरेण सन्मानस
स्थायी राजमरालवद् गणिवरः श्रीदेवभद्रप्रभुः ॥ ९॥
30
Jain Education International
For Private & Personal Use Only
www.jainelibrary.org
