Page Text
________________
सनियुक्ति-भाष्य-वृत्तिके बृहत्कल्पसूत्रे [अनुयोगाधिकारः नकुलोदाहरणमिदम्-एगा चारभडिया गम्भिणी । अन्ना वि नउलिणी गम्भिणी तत्थ य लिहए एइ य जाइ य । ताओ समगं पसूयाओ । चारभडाए चिंतियं-मम पुत्तस्स रमणओ नउलो भविस्सइ-ति तस्स पहियं देइ खीरं च । अन्नया दुवारे तीसे अविरइयाए कंडंतीए तत्थ मंचुल्लियाए सो दारगो ओयारिओ । तत्थ सप्पेण चडित्ता खाइओ मओ । इओ य 5 इयरेण नउलेण मंचुल्लियाए उयरंतो दिट्ठो खंडीकओ । ताहे सो रुहिरलित्तेणं तुंडेण तीसे
अविरइयाए मूलं गंतुं चाडूणि करेइ । ताए नायं-एएण मम पुत्तो खतिओ । मुसलेण आह. णित्ता मारिओ । ताहे धावंती गया पुत्तमूलं, जाव सप्पं खंडाखंडीकैयल्लयं पासेइ, ताहे दुगु. णतरमद्धिई पगया । तीसे अविरइयाए पुबमणणुयोगो, पच्छा अणुयोगो । एवं जो अन्नं
परूवेयवं अन्नं परूटेइ तस्स अणणुयोगो, जो तं चेव परूवेइ तस्स अणुयोगो॥ 10 कमलामेलोदाहरणम्-बारवईए बलदेवपुत्तस्स पुत्तो सागरचंदो नाम कुमारो, रूपेण
य उकिट्टो सबेसि संबाईणं इ8ो । तत्थ य बारवईए वत्थवस्स चेव अण्णम्स रण्णो कमलामेला नाम धूया उक्किट्ठसरीरा । सा य उग्गसेणनत्तुस्स धणदेवस्स वरिल्लिया । इओ य नारओ सागरचंदस्स कुमारस्स सगासं आगओ । अब्भुट्टिओ । उवविढं समाणं पुच्छइकिंचि भयवं! अच्छेरयं दिटुं ? । आम दिढें । कहिं ? । इहेव बारवईए नयरीए कमला16 मेला नाम दारिया । कस्सइ दिन्निया ? । आमं । कस्स? । उग्गसेणनत्तुस्स धणदेवस्स । तओ सो भणइ-कहं मम ताए समं संजोगो होज्जा ? । 'न याणामु' त्ति भणित्ता गओ । सो य सागरचंदो तं सोउं न वि आसणे न वि सयणे धिइं लहइ । तं दारियं फलए पासंतो नामं च गिण्हतो अच्छइ । नारओ वि कमलामेलाए अंतियं गओ। ताए पुच्छिओकिंचि अच्छेरयं दिटुं ? । नारओ भणइ-दुवे दिट्टाणि, रूवेण सागरचंदो, विरूंवत्तणेण 20 धणदेवो । तओ सागरचंदे मुच्छिया धणदेवे विरता । नारएण आसासिया । तेण गंतुं
सागरचंदस्स आइक्खियं, जहा 'इच्छइ'ति । ततो य सागरचंदस्स माया अन्ने य कुमारा अन्ना-मरति नूणं सागरचंदो । संबो आगओ जाव पिच्छइ सागरचंदं विलवमाणं । ताहे अणेण पच्छओ धाइऊण अच्छीणि दोहि वि हत्थेहिं च्छाइयाणि । सागरचंदेण
भणियं-कमलामेले ! । संवेणं भणियं-नाहं कमलामेला, कमलामेलो हं । सागरचंदेण 25 भणियं-आमं, तुमं चेव कमलामेलं दारियं मेलेहिसि । ताहे तेहिं कुमारेहिं संबो भणिओ
कमलामेलं मेलेहि सागरचंदस्स । न मन्नइ । तओ मजं पाएऊण अब्भुवगच्छाविओ। तओ विगयमओ चिंतेइ-अहो! मए आलो अब्भुवगओ, किं सक्का इयाणिं निवहिउं ?-ति पजुनं पन्नत्ति विजं मग्गइ । तेण दिन्ना । तओ जम्मि दिवसे धणदेवस्स विवाहो तम्मि दिवसे विजाए पडिरूवं विउविऊणं कमलामेला अवहरिया रेवए उज्जाणे नीया । संबप्प30 मुहा कुमारा उज्जाणं गंतुं नारयस्स रहस्सं भिंदित्ता कमलामेलं सागरचंदं परिणावित्ता तत्थ किड्डंता अच्छंति । विजापडिरूवगं पि विवाहे वट्टमाणे अट्टहासं काऊणं उप्पइयं ।
१ मओ य । इयरेण मो० चूर्णौ च ॥ २ पुत्तगो ख° कां० ॥ ३ °कइल्ल भा० ॥ ४ चूर्णी आव० हारि० वृत्तौ च “णभसेण" इति दृश्यते ॥ ५ कुरूवेण भा० ॥
Jain Education International
For Private & Personal Use Only
www.jainelibrary.org
| SR No. | 002510 |
| Book Title | Agam 35 Chhed 02 Bruhatkalpa Sutra Part 01 |
| Original Sutra Author | Bhadrabahuswami |
| Author | Chaturvijay, Punyavijay |
| Publisher | Atmanand Jain Sabha |
| Publication Year | 2002 |
| Total Pages | 296 |
| Language | Sanskrit, Prakrit |
| Classification | Book_Devnagari, Agam, Canon, & agam_bruhatkalpa |
| File Size | 18 MB |