________________
परिशिष्टम् ]
सुकृतसंकीर्तनमहाकाव्यम् । अगण्यपुण्यैर्भवसिन्धुपारभू-रभूदयं लोचनगोचरो गिरिः । इति से यस्मेरहृदो विदस्तदा, ससम्मदाश्चक्रुरहो ! महोत्सवम् ॥ गतोऽग्रतोऽस्मिन् दुरितैरनाविलो, विलोक्य नाभेयनिकेतकेतनम् । जनस्तदा शर्मरसोर्मिविक्लवो, मदान्न किं किं रचयाञ्चकार सः ॥ ननर्त्त कश्चित् पृथुसम्मदस्तदा, सलीललोलायितपाणिपल्लवः । प्रतिप्रतीकं परितः कुतूहला-दलं यथाऽऽलोक्यत पुण्यसम्पदा ।। बहूत्पतत्पादयुगस्तदाऽपरो, ननत दूरप्रसरत्करच्छदः । . विधातुमुड्डीय नगाधिरोहणं, मनोरथी पत्ररथीभवन्निव ।।
भवभ्रमिश्रान्ततुरः शिरोधरा-ऽधिरोपितं पापभरं त्यजन्निव । इलामिलन्मौलिरमन्दसम्मदो, ननाम विश्रामविधित्सया परः ।। विलोकयन् कोऽपि वृषध्वजध्वज, मुहुर्मुहुर्मक्षु नमन्नमन्दधीः । उदञ्चित-न्यञ्चितमौलिलीलया, रराज मुक्तिश्रियमाह्वयन्निव ॥ अमुत्र शत्रुञ्जयशैलसन्निधौ, भवार्णवस्येव तटे तदा परः । निरीयितुं पातकजातकर्दमा-लुलोठ सर्वाङ्गमुदारधीर्मुदा ॥ समुद्भवद्भावरसादचेतन-श्चिराय नृत्यादिविवेकवर्जितः । परः शिलापुत्रसमोऽपि बाष्पवा-नमोचि रिष्टैरपि रिष्टशङ्कितैः ॥ इहाथ पाथस्तृणराजिराजिते, जितेन्द्रियो मन्त्रिपतिर्महीतले । श्रमापनोदार्थमदापयत् तदा, निवासमासन्नममुण्य भूभृतः ।। अथावजत् खिन्नजलप्रमोदिनो, दिनोपतापे सचिवः स किङ्करान् । मरुत्त्वरान् औषयदेष तत्क्षणं, शिखिच्छदच्छन्नविडम्बिताम्बुदान् ॥ सुवंशसंयोजितरूपशोभिता, विचित्रिता धातुरसेन सर्वतः । पदे पदे पर्वतपादसोदरा, वितेनिरे पीवरचीवरालयाः ॥ अनांसि धर्मक्षितिपस्य वप्रवत् , पदे पदे मण्डलितानि रेजिरे । तृणं द्विषत्पापमिवोदमूलयन् , यतो विनिस्सृत्य वृषा भटा इव ॥ गिरौ गतिं पश्यत नः कुतूहलात् , कथं वृथा मुञ्चत भूतले समे ? । इतीव चाटूक्तिकृतस्तृणं मुखे, वृषा व्यधुर्बध्नति सारथौ पुरः ॥ नेयेन सङ्घस्य रसातलं यया, कथं समाकृष्यत साऽपि भिन्महे (?) ।
नवीनचुल्लीविवरापदेशतः, खनन्ति भूखण्डमिति स्म किङ्कराः ॥ १ क-ख पुस्तके ४४ तमं काव्यं नास्ति ॥ सु० १५
For Private & Personal Use Only
Jain Education International
www.jainelibrary.org
