________________
३०७
त्रिषष्टिशलाकापुरुषचरितप्रशस्तिः ।
चौलुक्यः परमाहतो विनयवान् श्रीमूलराजान्वयी; तं नत्वेति कुमारपालपृथिवीपालोऽब्रवीदेकदा ॥१६॥ पापद्धि-द्यूत-मद्यप्रभृति किमपि यन्नारकायुनिमित्तं, तत सर्वं निर्निमित्तोपकृतिकृतधियां प्राप्य युष्माकमाज्ञाम् । स्वामिन्नुर्व्या निषिद्धं धनमसुतमृतस्याथ मुक्तं तथार्हच्चैत्यैरुत्तंसिता भूरभवमिति समः सम्प्रतेः सम्प्रतीह ॥१७॥ पूर्वं पूर्वजसिद्धराजनृपतेर्भक्तिस्पृशो याञ्चया, साङ्ग व्याकरणं सुवृत्तिसुगमं चक्रुः भवन्तः पुरा । मद्धेतोरथ योगशास्त्रममलं लोकाय च व्याश्रयच्छन्दो-ऽलङ्कृति-नामसङ्ग्रहमुखान्यन्यानि शास्त्राण्यपि ॥१८॥ लोकोपकारकरणे स्वयमेव यूयं, सज्जाः स्थ यद्यपि तथाऽप्यहमर्थयेऽदः । माग्जनस्य परिबोधकृते शलाकापुंसां प्रकाशयत वृत्तमपि त्रिषष्टेः ॥१९॥ तस्योपरोधादिति हेमचन्द्राचार्यः शलाकापुरुषेतिवृत्तम्, धर्मोपदेशैकफलप्रधानं न्यवीविशच्चारुगिरां प्रपञ्चे ॥२०॥ जम्बूद्वीपारविन्दे कनकगिरिरसावश्नुते कर्णिकात्वं, यावद् यावच्च धत्ते जलनिधिरवनेरन्तरीयत्वमुच्चैः । यावद् व्योमाध्वपान्थौ तरणि-शशधरौ भ्राम्यतस्तावदेतत्; काव्यं नाम्ना शलाकापुरुषचरितमित्यस्तु जैन धरित्र्याम् ॥२१॥
15
20
Jain Education International
For Private & Personal Use Only
www.jainelibrary.org
