________________
२६६
कुमारपालचरित्रसङ्ग्रहः [अत्र वेश्याव्यसनविपाकप्रतिपादिका अशोककथा कथिता ।]
रन्ना भणियं-भयवं ! वेसासु मणं अहं पि न करिस्सं । गुरुणा भणियं-भवउ उत्तमपुरिसस्स जुत्तमिणं ॥२१८।।
5
10
६६१३. सूरिकृतो मद्यपाननिषेधोपदेशः, राज्ञस्तस्यापि परिहरणम् । संपयं मज्जवसणदोसे सुणसु
नच्चइ गायइ पहसइ पणमइ परिभमइ मुयइ वत्थं पि । तूसइ रूसइ निक्कारणं पि मइरामउम्मत्तो ।।२१९॥ जणणि पि पिययमं पिययमं पि जणणि जणो विभावतो । मइरामएण मत्तो गम्मागम्मं न याणेइ ॥२२०॥ न हु अप्पपरविसेसं वियाणए मज्जपाणमूढमणो । बहु मन्नइ अप्पाणं पहुं पि निब्भच्छए जेण ॥२२१।। वयणे पसारिए साणया विवरब्भमेण मुत्तंति । पहपडियसवस्स व दुरप्पणो मज्जमत्तस्स ॥२२२।। धम्मत्थ-कामविग्घं विहणियमइ-कित्ति-कंति-मज्जायं । मज्ज सव्वेसि पि हु भवणं दोसाण किं बहुणा ? ॥२२३॥ जं जायवा ससयणा सपरियणा सविहवा सनयरा य । निच्चं सुरापसत्ता खयं गया तं जए पयडं ॥२२४॥
15
[अत्र मद्यपानदोषदर्शिका यादवनाशकथा वर्णिता ।] एवं नरिंद ! जाओ मज्जाओ जायवाण सव्वक्खओ । ता रन्ना नियरज्जे मज्जपवित्ती वि पडिसिद्धा ॥२२५।।
20
१४. सूरेश्चौर्यव्यसनपरिहारोपदेशः, राजस्तन्निवारणम् । मृतधनापहरणस्यापि निषेधः ।
इण्हि नरिंद ! निसुणसु कहिज्जमाणं मए समासेणं । वसणाण सिरोरयणं व सत्तमं चोरियावसणं ॥२२६।।
Jain Education International
For Private & Personal Use Only
www.jainelibrary.org.
