________________
२६५
कुमारपालप्रतिबोधसङ्क्षपः
६६१२. सूरिकृतः परस्त्रीगमनत्यागोपदेशः । राज्ञस्तत्स्वीकारः । गुरुणा भणियं-सव्वाणत्थनिबंधणं परिहरसु पररमणिसेवणं । जओ
कुलु कलंकिउ मलिउ माहप्पु, मलिणीकय सयणमुह, दिन्नु हुत्थु नियगुणकडप्पह, जगु झंपिओ अवजसिण, वसणविहिय सन्निहिय अप्पह ॥२०८।। दूरह वारिउ भद्दु तिणि ढक्किउ सुगइदुवारु । उभय भवुब्भडदुक्खकरु कामिउ जिण परदारु ।।२०९।। सरहसनमिरनरेसरचूडाचुंबिज्जमाणचलणो वि । परमहिलमहिलसंतो पज्जोओ बंधणं पत्तो ॥२१०।।
10
[अत्र ग्रन्थकृता पारदार्यविषया प्रद्योतकथा कथिता ।] रन्ना वुत्तं-भयवं ! मूलाओ च्चिय मए परित्थीओ । दूरं भयंकरीओ भुयंगमीओ व्व चत्ताओ ॥२११॥ पररमणिपसत्तमणो पाएण जणो न को वि मह रज्जे । गुरुणा भणियं-धन्नो सि जो परित्थीनियत्तो सि ॥२१२।। कमलाण सरं रयणाण रोहणं तारयाण जहा गयणं । परदारनिवित्तिवयं वन्नति गुणाण तह ठाणं ॥२१३।। अह गुरुणा वागरियं-वेसावसणं नरिंद ! मुत्तव्वं । दविणस्स विणासयरं जं कमलवणस्स तुहिणं व ॥२१४।। जं नीररासिमहणं व कालकूडं जणेइ खयरोगं । कवलेइ कुलं सयलं जं राहुमुहं व ससिबिबं ॥२१५।। धूमो व्व चित्तकम्मं जं गुणगणमुज्जलं पि मलिणेइ । जं दोसाण निवासो वम्मियविवरं व भुयगाणं ॥२१६।। वेसावसणासत्तो तिवग्गमूलं विणासिउं अत्थं । पच्छा पच्छायावेण लहइ सोयं असोओ व्व ॥२१७।।
20
25
Jain Education International
For Private & Personal Use Only
www.jainelibrary.org
