________________
વર્ષનાં ચારિત્ર પર્યાયમાં અનેરી સાધના કરી સુકૃત બાંધી લીધું. જીવનમાં વર્ષીતપ, સિદ્ધિતપ, આયંબિલની ઓળી વગેરે કરી હતી. અંતે જાણે કાયાની પાસેથી કામ લેવા ઇચ્છતા ન હોય, તેમ આચાર્ય ભગવંત શ્રીમદ્ વિજય રામચંદ્રસૂરીશ્વરજી મ. ની નિશ્રામાં શ્રેણિતપની સાધના કરી. અધ્યવસાયની વિશુદ્ધિ દ્વારા ઘણા કર્મની નિર્જરા કરી, આયુ પૂર્ણ કરી દિવ્યની વાટે સંચરી ગયા. સ્વપ્ને પણ ખ્યાલ નહીં કે પોષ વદ ૧૦ ના દિવસે પૂજ્યશ્રી અમને સદાને માટે મૂકીને ચાલ્યા જશે. ભવના સાથી મોહનાં બંધનો તોડી સુવર્ણ પિંજરામાં પૂરાયેલ આત્મા ચાલી ગયો. અને તે પિંજરને છોડી જાણે આત્મપંખીડું રત્નનાં પિંજરામાં પૂરાઇ ગયું.
એ પ્રસંગ યાદ આવતાં વિરહની સરવાણી વહી નીકળે છે, તમને સૌમ્ય-હિતની યાદ પણ ન આવી ? મારી અધૂરી જીવન સફરમાં દર્શન આપશો ? મારા જીવનબાગને નવપલ્લવિત કોણ ક૨શે ? ગુરુનૈયા? જ્ઞાનાભ્યાસમાં કોણ આગળ વધારશે ? આવી વિચારધારા ચાલી રહી હતી તેમાંથી અવાજ ઉઠે છે
સંયમ આરાધના સુંદર થાય એવી દેજો શક્તિ,
આપનું નામ દિ ના ભૂલું, દેજો અવિચલ ભક્તિ.
ઓ કરુણામયી માતા ? આપની ધર્મપુત્રી આપના ઉપકારો તથા નિર્મલગુણોનું અહોનિશ રટણ કરીને આનંદની અનુભૂતિ કરે છે. વહાલ ભરેલ આપના હૈયાની કોમળ મધુર લાગણીઓ મારા હૈયાને ખૂણે હજી પણ અવિસરાયેલી પડી છે. આપના ચરણકમલમાં મસ્તક નમાવી, અંતરના ભાવની શુદ્ધિ કરવા, મારા અપરાધોની ક્ષમાપના કરી, જીવનનો ઉદ્ધાર કરવા માટે ખોળો પાથરું છું. માતાજી ! પુત્રીના હૈયાની પીડા માવડી વિના કોણ જાણી શકે ? તેથી જ કહેવાય છે કે-‘જનનીની જોડ સખી નહીં જડે રે લોલ.’’
તો પણ માતાજી ? આપના ઉપર અખંડ શ્રદ્ધા છે કે એક દિન સૂનું મારું મનમંદિર ઉજ્જવલ થશે. એકદિન તમારા પ્રેમભરેલા પાવન પગલાં થશે. તેથી જ માતાજી ! મારી એક વિનંતી અવધારજો.
ઓ દિવ્યલોકના વાસી ! આ અભાગી ઉપર કૃપાદ્રષ્ટિ ફેલાવજો. અદ્રશ્યરીતે સહાય ક૨જો ને આપનો આત્મા પણ જલ્દીથી મોક્ષસુખને પામો એજ પ્રાર્થના કરું છું.
૧૩
સા. શ્રી સૌમ્યજ્યોતિશ્રીજી
તથા
સા. શ્રી હિતધર્માશ્રીજી સા. શ્રી પૂર્ણજ્યોતિશ્રીજી
