Page Text
________________
་་་
नन्दीसूत्रम्
य भणिया एवं मइअन्नाणस्स, सुयअन्नाणस्स य लद्धिया, अलद्धिया य भाणियव्वा । विभंगनाणलद्धिया णं तिन्नि अन्नाणाइं नियमा । तस्स अलद्धिया णं पंच नोणाई भयणाए, दो अन्नाणाइं नियमा ।
दंसणलद्धिया णं भंते ! जीवा किं नाणी, अन्नाणी ? गोयमा । नाणीवि, अन्नाणीवि, पंच नाणाई, तिन्नि अन्नाणाडं भयणाए । तस्स अलद्धिया णं भंते! जीवा कि नाणी, अन्नाणी ?, गोयमा ! तस्स अलद्धिया नत्थि । सम्महंसण लद्धिया णं पंच नाणाई भयणाए । तस्स अलद्धिया णं तिन्नि अन्नाणाई भयणाए । मिच्छा सण लद्धिया णं भंते ! पुच्छा, तिन्नि अन्नाणाई भयणाए । तस्स अलद्धिया णं पंच नाणाई, तिन्निय अन्नाणाई भयणाए । सम्मामिच्छादंसणलद्धिया य अलद्धिया जहा मिच्छादंसणलद्वी, अलद्धी तहेव भाणियव्वं ।
चरितलद्धियाणं भंते ! जीवा कि नाणी, अन्नाणी ? गोयमा ! पंचनाणाई भयणाए । तस्स अलद्धिया णं मणपज्जवनाणवज्जाई चत्तारि नाणाई, तिन्नि य अन्नाणाई भयणाए । सामाइयचरित्तलद्धिया णं भंते ! जीवा कि नाणी, अन्नाणी ? गोयमा ! नाणी, केवलवज्जाई. चत्तारि नाणाई भयणाए । तस्स अलखिया णं पंच नाणाई, तिन्नि य अन्नाणाई भयणाए, एवं जहा सामाइयचरित्तलद्धिया, अलद्धिया य भणिया, एवं जहा जाव अहक्खायचरित्तलद्धिया अलद्धिया य भाणियव्वा नवरं अहखायचरितलद्धिया पंच नाणाई भयणाए । चरित्ताचरित लद्धियाणं भंते ! जीवा किं नाणी, अन्नाणी ? गोयमा ! नाणी नो अन्नाणी, अत्येगतिया दुन्नाणी, अत्येगतिया तिन्नाणी । जे दुन्नाणी, ते आभिणिबोयिनाणी सुयनाणी । जे तिन्नाणी ते आभिणिबोयनाणी, सुयनाणी, ओहिनाणी, तस्स अलद्धिया णं पंच नाणाई, तिन्नि अन्नाणाई भयणाए ।
दाणलद्धिया णं पंच नाणाई, तिन्नि अन्नाणाई, भयणाए । तस्स अलद्धिया णं पुच्छा, गोयमा ! नाणी नो अन्नाणी, नियमा एगनाणी, केवलनाणी, एवं जाव वीरियस्स लद्धी, अलद्धी य भाणियव्वा । बाल वीरिय लद्धिया णं तिन्नि नाणाई, तिन्नि अन्नाणाई भयणाए । तस्स अलद्धियाणं पंचनाणाई भयणाए । पंडिजवीरिय लद्धियाणं पंच नाणाई भयणाए । तस्स अलद्धिया णं मणपज्जवनाणवज्जाई णाणाई, अन्नाणाणि तिन्नि य भयणाए । बालपंडियवीरियलद्धिया णं भंते ! जीवा कि नाणी, अनाणी ?, गोयमा ! तिन्निनाणाई भयणा । तस्स अलद्धिया णं पंच नाणाई, तिन्नि अन्नाणाई भयणाए ।
इंदियलद्धिया णं भंते ! जीवा किं नाणी, अन्नाणी ? गोयमा ! चत्तारि णाणाई, तिन्नि य अन्नााई भयणा । तस्स अलद्धिया णं पुच्छा, गोयमा ! नाणी, नो अन्नाणी नियमा एग नाणी, केवलनाणी । सौइंदियलद्धिया णं जहा इंदियलद्धिया । तस्सअलद्धिया णं पुच्छा गोयमा ! नाणीवि, अन्नाणीवि । जे नाणी ते अत्येतिया दुण्णाणी, अत्थेगतिया एगनाणी । जे दुन्नाणी ते आभिणिबोहियनाणी, सुयनाणी । जे एगनाणी ते केवलनाणी । जे अन्नाणी ते नियमा दुअन्नाणी, तंजहा - मंइ अन्नाणी य सुय अन्नाणी य । चक्खिदि घाणिदिया णं लद्धिया णं, अलद्धिया णं य जहेव सोइंदियस्स । जिव्भिंदियलद्धिया णं चत्तारि णाणाई, तिन्निय अन्नाणाणि भयणाए । तस्स अलद्धिया णं पुच्छा, गोयमा ! नाणीवि, अग्नाणीवि । जे नाणी ते नियमा एगनाणी, केवलनाणी । जे अन्नाणी ते नियमा दुअन्नाणी, तंजहा - मइअन्नाणी य सुयअन्नाणी य । फासिदिय लद्धिया णं अलद्धिया णं जहा इंदियलद्धिया य अलद्धिया य । सूत्र ३२० ।
सागारोवउत्ता णं भंते ? जीवा कि नाणी, अन्नाणी ? गोयमा ! पंच नाणाई, तिन्नि अन्नाणाई
| SR No. | 002487 |
| Book Title | Nandi Sutram |
| Original Sutra Author | N/A |
| Author | Atmaramji Maharaj |
| Publisher | Acharya Shree Atmaram Jain Bodh Prakashan |
| Publication Year | 1996 |
| Total Pages | 522 |
| Language | Hindi, Prakrit, Sanskrit |
| Classification | Book_Devnagari & agam_nandisutra |
| File Size | 16 MB |