Page Text
________________
परिशिष्ठ
कइविहा णं भंते ! लद्धी पण्णत्ता ?, गोयमा ! दसविहा लद्धी पण्णत्ता, तं जहा नाणलद्धी १, दंसणदद्धी २, चरित्तलद्धी ३, चरित्ताचरित्तलखी ४, दाणलद्धी ५, लाभलद्धी ६, भोगलद्धी ७, उवभोगलद्धी ८, वीरियलद्धी ६, इंदियलद्धी १० ।
नाणलद्धी णं भंते ! कइविहा पण्णता ? गोयमा ! पंच विहा पण्णता, तंजहा-आभिणिबोहियनाणलद्धी जाव केवलनाणलखी। अन्नाणद्धी णं भंते ! कतिविहा पण्णता? गोयमा। तिविहा पण्णत्ता, तंजहामइ-अन्नाणलद्धी, सुय-अन्नाणलद्धी, विभंगनाणलद्धी । दसणलद्धीणं भंते ! कति विद्धा पन्नत्ता ?, गोयमा ! तिविहा पन्नत्ता, तंजहा—समद्दसणलद्धी, मिच्छद्दसणलद्धी, सम्मामिच्छादसणलद्धी । चरित्तलद्धी णं भंते।' कतिविहा पण्णता ? गोयमा ! पंचविहा पण्णता, तंजहा-सामाइयचरित्तलद्धी, छेदोवट्ठावणियलदी,
रहारविसुद्धलद्धी, सुहमसंपरायलद्धी, अहक्खायचरितलद्धी । चरित्ताचरित्तलद्धीणं भंते ! कतिविहा पण्णत्ता ? गोयमा । एगागारा पण्णत्ता, एवं जाव उवभोगलद्धी एगागारा पत्नत्ता। वीरियलद्धीणं भंते ! कतिविहा पन्नता ? गोयमा ? तिविहा पन्नत्ता, तंजहा-बालवीरियलद्धी, पंडियवीरियलद्धी, बालपंडियवीरियलद्धी । इंदियलद्धी णं भंते ! कतिविहा पन्नत्ता?, गोयमा ! पंचविहा पन्नत्ता, तंजहा-सोइंदियलद्धी जाव फासिदियलद्धी। . नाणलद्धिया णं भंते ! जीवा किं नाणी, अन्नाणी ?, गोयमा ! नाणी, नो अन्नाणी, अत्थेगतिया दुन्नाणी, एवं पंच नाणाइं भयणाए। तस्स अलद्धीयाणं भंते ! जीवा कि नाणी, अन्नाणी ?, गोयमा ! नो नाणी, अन्नाणी, अत्थेगतिया दुअन्नाणि, तिन्नि अन्नाणाणि भयणाए । आभिणिबोहियणाणलद्धियाणं भंते ! जीवा किं नाणी, अन्नाणी? गोयमा! नाणी, नो अन्नाणी, अत्थेगतिया दुन्नाणी, चत्तारि नाणाई भयणाए । तस्स अलद्धियाणं भंते ! जीवा किं नाणी, अन्नाणि ? गोयमा ! नाणीवि, अन्नाणीवि, जे नाणी ते नियमा एग नाणी, केवलनाणी । जे अन्नाणी, ते अत्येगतिया दुअन्नाणी, तिन्नि अन्नाणाई भयणाए । एवं सुयनाणलद्धियावि । तस्सअलद्धिया वि जहा आभिणिबोहियनाणस्स लधिया।
ओहिनणाद्धिया णं पुच्छा, गोयमा! नाणी, नो अन्नाणी, अत्थेगतिवा तिन्नाणी, अत्थेगतिया चउनाणी। जे तिनाणी ते आभिणिबोहियनाणी, सुयनाणी, ओहिनाणी । जे चउनाणी ते आभिणियोहियनाणी, सुयनाणी, ओहिनाणी मणपज्जवनाणी। तस्स अलद्धियाणं भंते ! जीवा किं नाणी अन्नाणी ?, गोयमा ! नाणीवि, अन्नाणीवि एवं ओहिनाणवज्जाइं चत्तारि नाणाइं, तिन्नि अन्नाणाई भयणाए।
मणपज्जवनाणलद्धिया णं भंते ! पुच्छा, गोयमा ! नाणी, नो अन्नाणी, अत्थेगतिया तिन्नाणी, अस्थगतिया चउनाणी । जे तिन्नाणी, ते आभिणिबोहियनाणी, सुयनाणी, मणपज्जवनाणी। जे चउनाणी, ते आभिणिबोहियणाणी, सुयनाणी, ओहिनाणी, मणपज्जवनाणी। तस्स अलद्धिया णं पुच्छा, गोयमा ! नाणीवि, अन्नाणीवि, मणपज्जवणाणवज्जाइं चत्तारि णाणाई, तिन्नि अन्नाणाई भयणाए।
केवलनाणलद्धिया णं भंते । जीवा किं नाणी, अन्नाणी ? गोयमा ! नाणी, नो अन्नाणी. नियमा एगनाणी केवलनाणी तस्स अलद्धिया णं पुच्छा, गोयमा ! नाणीवि, अन्नाणीवि, केवलनाण वजाइं चत्तारि नाणाई, तिन्नि अन्नाणाई भयणाए।
अन्नाणलद्धिया णं पुच्छा, गोयमा ! नो णाणी, अन्नाणी, तिन्नि अन्नाणाइं भयणाए । तस्स अल . दिया णं पुच्छा, गोयमा ! नाणी, नो अन्नाणी, पंचनाणाई भयणाए । जहा अन्नाणस्स लड़िया, अलद्धिया
| SR No. | 002487 |
| Book Title | Nandi Sutram |
| Original Sutra Author | N/A |
| Author | Atmaramji Maharaj |
| Publisher | Acharya Shree Atmaram Jain Bodh Prakashan |
| Publication Year | 1996 |
| Total Pages | 522 |
| Language | Hindi, Prakrit, Sanskrit |
| Classification | Book_Devnagari & agam_nandisutra |
| File Size | 16 MB |