________________
से किं तं पण्हावागरणाइं ? पण्हावागरणेसु णं-अठुत्तरं पसिणसयं, अठुत्तरं अपसिणसयं, अठुत्तरं पसिणापसिणसयं, तंजहा- अंगुट्ठपसिणाइ, बाहुपसिणाई, अद्दागपसिणाई, अन्नेवि विचित्ता विज्जाइसया, नागसुवण्णेहिं सद्धि दिव्वा संवाया आघविज्जन्ति ।
___ पण्हावागरणाणं परित्ता वायणा, संखेज्जा अणुयोगदारा, संखेज्जा वेढा, संखेज्जा सिलोगा, संखेज्जारो निज्जुत्तीग्रो, संखेज्जाप्रो संगहणीग्रो, संखेज्जायो पडिवत्तीयो।
से णं अंगट्ठयाए दसमे अंगे, एगे सुयक्खंधे, पणयालीसं अज्झयणा, पणयालीसं उद्देसणकाला, पणयालीसं समुद्देसणकाला, संखेज्जाइं पयसहस्साइं पयग्गेणं ; संखेज्जा अक्खरा, अणंता गमा, अणन्ता पज्जवा, परित्ता तसा, अणन्ता थावरा, सासयकडनिबद्धनिकाइया जिणपण्णत्ता भावा आघविज्जन्ति, पण्णविज्जन्ति, परूविज्जन्ति, दंसिज्जन्ति, निदंसिज्जन्ति, उवदंसिज्जन्ति ।
से एवं आया, एवं नाया, एवं विण्णाया, एवं चरणकरण परूवणा आघविज्जइ, से तं पण्हावागरणाइं ॥ सूत्र ५४ ॥
से किं तं विवागसुयं ? विवागसुए णं सुकडदुक्कडाणं कम्माणं फलविवागे आघविज्जइ । तत्थ णं दस दुहविवागा, दस सुहविवागा ।
से किं तं दुहविवागा ? दुहविवागेसु णं दुहविवागाणं नगराइं, उज्जाणाई, वणसंडाइ, चेइयाइं, समोसरणाई, रायाणो, अम्मापियरो, धम्मायरिया, धम्मकहाओ, इहलोइय-परलोइया इड्डिविसेसा, निरयगमणाइ, संसारभवपवंचा, दुहपरंपरायो, दुक्कुलपच्चायाईयो, दुल्लहबोहियत्तं प्राघविज्जइ, से तं दुहविवागा।
से किं तं सुहविवागा ? सुहविवागेसु णं सुहविवागाणं नगराई, उज्जाणाई, वणसंडाई, चेइयाई, समोसरणाइं, रायाणो, अम्मापियरो, धम्मायरिया, धम्मकहाओ, इहलोइय-परलोइया इड्रिविसेसा, भोगपरिच्चागा, पव्वज्जाओ, परियागा, सयपरिग्गहा, तवोवहाणाई संलेहणाओ, भत्तपच्चवखाणाइं पाओवगमणाई, देवलोगगमणाई सुहपरंपराओ, सुकुलपच्चायाईओ, पुणबोहिलाभा, अन्तकिरियाप्रो आघविज्जंति।
