________________
१०
णं-जे जया जिणपन्नत्ता भावा आघविज्जंति, पण्णविज्जति, परूविज्जंति, दंसिज्जंति, निदंसिज्जति, उवदंसिज्जंति, तया ते भावे पडुच्च साइयं सपज्जवसियं, खानोवसमियं पुण भावं पडुच्च अणाइयं अप्पज्जवसियं । अहवाभवसिद्धियस्स सुयं साइयं सपज्जवसियं अभवसिद्धियस्स सुयं अणाइयं अपज्जवसियं च । सव्वागासपएसग्गं सव्वागासपएसेहिं अणंतगुणियं पज्जवक्खरं निप्फज्जइ । सव्वजीवाणं पि य णं अक्खरस्स अणंतभागो, निच्चुग्घाडियो चिट्ठइ, जइ पुण सोऽवि प्रावरिज्जा, तेणं जीवो अजीवत्तं पाविज्जा, “सुठुवि मेहसमुदए, होइ पभा चन्दसूराणं" से त साइयं सपज्जवसियं, से तं अणाइयं अपज्जवसियं ॥सूत्र ४२ ॥
से किं तं गमियं ? गमियं दिट्टिवायो। से तं गमियं ।
से किं तं अगमियं ? अगमियं कालियं सुयं । से तं अगमियं । अहवा तं समासो दुविहं पण्णत्तं, तंजहा–अंगपविठं अंगबाहिरं च।
से किं तं अंगबाहिरं ? अंगबाहिरं दुविहं पण्णत्तं तंजहा-प्रावस्सयं च, आवस्सयवइरित्तं च ।
से किं तं प्रावस्सयं ? आवस्सयं छव्विहं पण्णत्तं, तंजहा-सामाइयं, चउवीसत्थयो, वंदणयं, पडिक्कमणं, काउस्सग्गो, पच्चक्खाणं, से तं प्रावस्सयं ।
से किं तं प्रावस्सयवइरित्तं ? आवस्सयवइरित्तं दुविहं पण्णत्तं, तंजहाकालियं च, उक्कालियं च।
से किं तं उक्कालियं ? उक्कालियं अणेगविहं पण्णत्तं, तं जहा–दसवेयालियं, कप्पियाकप्पियं, चुल्लकप्पसुयं महाकप्पसुयं, उववाइयं, रायपसेणियं, जीवाभिगमो, पण्णवणा, महापण्णवणा, पमायप्पमायं, नन्दी, अणुयोगदाराई, देविदत्थयो, तंदुलवेयालियं चन्दाविज्झयं, सूरपण्णत्ती, पोरिसिमंडलं, मण्डलपवेसो, विज्जा-चरणविणिच्छरो, गणिविज्जा, झाणविभत्ती, मरणविभत्ती, प्रायविसोही, वीयरागसुयं, संलेहणासुयं, विहारकप्पो, चरणविही, आउरपच्चक्खाणं, महापच्चक्खाणं, एवमाइ, से तं उक्कालियं ।
से किं तं कालियं ? कालियं अणेगविहं पण्णत्तं, तंजहा–उत्तरज्झयणाई, दसानो, कप्पो, ववहारो, निसीह, महानिसीहं, इसिभासियाइं, जम्बूदीव
-
6
