________________
तं मल्लगं रावेहिइ त्ति, होही से उदगबिंदू, जे णं तंसि मल्लगंसि ठाहिति, होही से उदगबिंदू जे णं तं मल्लगं भरिहिति, होही से उदगबिंदू, जे णं तं मल्लगं पवाहेहिति, एवामेव पक्खिप्पमाणेहिं पक्खिप्पमाणेहि अणंतेहिं पुग्गलेहिं जाहे तं वंजणं पूरियं होइ, ताहे 'हुं' ति करेइ। नो चेव णं जाणइ के वेस सद्दाइ ?' ' तो ईहं पविसइ, तो जाणइ अमुगे एस सद्दाइ, तो अवायं पविसइ, तो
से उवगयं हवइ, तो धारणं पविसइ, तो णं धारेइ संखिज्ज वा कालं, असंखिज्जं वा कालं।
से जहानामाए केइ पुरिसे अव्वत्तं सदं सुणिज्जा, तेणं 'सद्दो' 'त्ति उग्गहिए, नो चेव णं जाणइ 'के वेस सद्दाइ' ? तो ईहं पविसइ, तो जाणइ अमुगे एस सद्दे, तो अवायं पविसइ, तपो से उवगयं हवइ, तो धारणं पविसइ, तो णं धारेइ संखेज वा कालं, असंखेज्जं वा कालं ।
से जहानामए केइ पुरिसे अव्वत्तं रूवं पासिज्जा, तेणं 'रूव त्ति उग्गहिए, नो चेव णं जाणइ 'के वेस रूव त्ति' ? तो ईहं पविसइ, तो जाणइ अमुगे एस रूवे, तो अवायं पविसइ, तनो से उवगयं हवइ, तो धारणं पविसइ, तो णं धारेइ संखेज्जं वा कालं, असंखेज्जं वा कालं ।
से जहानामए केइ पुरिसे अव्वत्तं गंधं आग्घाइज्जा, तेणं 'गंध' त्ति उग्गहिए, नो चेवणं जाणइ 'के वेस गंधे त्ति' तमो ईहं पविसइ, तो जाणइ अमुगे एस गंधे ? तो अवायं पविसइ, तनो से उवगयं हवइ, तो धारणं पविसइ, तों णं धारेइ संखेज्ज वा कालं, असंखेज्ज वा कालं ।
से जहानामए केइ पुरिसे अव्वत्तं रसं आसाइज्जा, तेणं 'रसो त्ति उग्गहिए' नो चेव णं जाणइं, 'के वेस रसो त्ति' ? तो ईहं पविसइ, तो जाणइ अमुगे एस रसे, तो अवायं पविसइ, तनो से उवगयं हवइ, तो धारणं पविसइ, तो णं धारेइ संखिज्ज वा कालं, असंखिज्ज वा कालं ।
से जहानामए केइ पुरिसे अव्वत्तं फासं पडिसंवेइज्जा, तेणं 'फासे' त्ति उग्गहिए, नो चेव णं जाणइ 'के वेस फासो त्ति' ? तो ईहं पविसइ, तनो जाणइ अमुगे एस फासे, तो अवायं पविसइ, तनो से उवगयं हवइ, तो धारणं पविसइ तो णं धारेइ संखेज्जं वा कालं, असखेज्जं वा कालं ।
