________________
___७३३
नौवां अध्ययन : ब्रह्मचर्य-संवर मणसा, न वयसा पत्थेयव्वाइं पावकम्माइं। एवं इत्थीरूवविरतिसमितिजोगेणं भावितो भवति अन्तरप्पा आरतमणविरयगामधम्मे जिइदिए बंभचेरगुत्ते । (४) पुव्वरय-पुव्व कोलिय-पुव्वसंगंथगंथसंथुया जे ते आवाह - विवाह - चोल्लकेसु य तिथिसु जन्नेसु उस्सवेसु य सिंगारागारचारुवेसाहिं हाव-भाव-पललिय-विक्खेव-विलाससालिणोहिं अणुकूलपेम्मिकाहिं सद्धि अणुभूया सयणसंपओगा उदुसुहवरकुसुमसुरभिचंदणसुगन्धिवरवास - धूव-सुहफरिसवत्थ - भूसणगुणो - ववेया रमणिज्जाउज्जगेयपउरनडनट्टकजल्लमल्लमुट्ठिक-वेलंबगकहग - पवग-लासग - आइक्खग-लंख-मंख-तूणइल्ल-तुबवीणियतालायर-पकरणाणि य बहूणि महुरसर-गीतसुस्सराइं अन्नाणि य एवमादियाणि तवसंजमबंभचेरघातोवघातियाइं अणुचरमाणेणं बंभचेरं न ताई समणेण लब्भा दळं, न कहेउं, न वि सुमरिउ जे । एवं पुव्वरय-पुव्वकी लियविरतिसमितिजोगेण भावितो भवति अंतरप्पा आरयमणविरतगामधम्मे जिइंदिए बंभचेरगुत्ते । (५) पंचमं आहार - पणीय-निद्धभोयणविवज्जए संजए सुसाहू ववगयखीर-दहि-सप्पि-नवनीय-तेल्ल-गुल-खंडमच्छडिक-महु-मज्ज-मस-खज्जक-विगतिपरिचत्तकयाहारे . ण दप्पणं, न बहुसो, न नितिक, न सायसूपाहिकं, न खलु, तहा भोतव्वं जह से जायामाताए (य) भवति, न य भवति विब्भमो, न भंसणा य धम्मस्स, एवं पणीयाहारविरतिसमितिजोगेण भावितो भवति अतरप्पा आरयमणविरतगामधम्मे जिइंदिए बंभचेरगुत्ते।
एवमिणं संवरस्स दारं सम्म संवरियं होइ सुपणिहित इमेहिं पंचहिवि कारणेहिं मणवयणकायपरिरक्खिएहिं णिच्चं
