________________
७३२
श्री प्रश्नव्याकरण सूत्र
मूलपाठ तस्स इमा पंच भावणाओ चउत्थयस्स होति अबंभचेरवेरमणपरिरक्खणट्टयाए, (१) पढमं सयणासण-घर-दुवार-अंगणआगास-गवक्ख-साल-अभिलोयण-पच्छ्वत्थुक-पसाहणक - हाणिकावकासा, अवकासा जे य वेसियाणं अच्छंति य जत्थ इत्थिकाओ अभिक्खणं मोहदोसरतिरागवड्ढणीओ कहिंति . य कहाओ बहुविहाओ, तेऽवि हु वज्जणिज्जा, इत्थि-संसत्तसंकिलिट्ठा अन्नेऽवि एवमादी अवकासा ते हु वज्जणिज्जा जत्थ मणोविब्भमो वा, भंगो वा, भंसणा वा, अट्ट रुद्द च हुज्ज झाणं, तं तं वज्जेज्जऽवज्जभीरू अणायतणं अंतपंतवासी । एवमसंसत्तवासवसहोसमितिजोगेण भावितो भवति अंतरप्पा, आरतमणविरयगा मधम्मे जितेंदिए बंभचेरगुत्त (२) बितियं नारीजणस्स मज्झे न कहेयव्वा कहा विचित्ता विव्वोयविलाससंप उत्ता हाससिंगारलोइयकहव्व मोहजणणी न आवाह-विवाह-वर-कहा विव इत्थीणं वा सुभग-दुभगकहा चउसट्ठी च महिलागुणा न वन्न-देस-जाति-कुल-रूव-नाम-नेवत्थ-परिजणकहा वि इत्थियाणं अन्नावि य एवमादियाओ कहाओ सिंगारकलुणाओ तवसंजमबंभचेरघातोवघातियाओ अणुचरमाणेणं बंभचेरं न कहेयव्वा, न सुणेयव्वा, न चितेयव्वा । एवं इत्थीकहविरतिसमितिजोगेणं भावितो भवति अंतरप्पा आरतमणविरयगामधम्मे जितिदिए बंभचेरगुत्ते । (६) ततीयं नारीणं हसितभणितं चेट्ठिय-विप्पेक्खित-गइ-विलास-कीलियं विब्बोइ(ति) य-नट्ट - गीत-वादिय-सरीरसंठाण-वन्न-कर-चरण-नयण-लावन्न - रूव-जोव्वण्ण-पयोहराधर-वत्थालंकारभूसणाणि य गुज्झोवकासियाइं अन्नाणि य एवमादियाइं तवसंजमबंभचेरघातोवघातियाइं अणुचरमाणेणं बंभचेरं न चक्खुसा, न
