________________
आठवां अध्नयन : अचौर्य-संवर
६८१ पवाय उस्सुगत्तं, न डंसमसगेसु खुभियव्वं, अग्गी धूमो य न कायब्वो, एवं संजमबहुले संवरबहुले संवुडबहुले समाहिबहुले धीरे काएण फासयंतो सययं अज्झप्पज्झाणजुत्ते समिए एगे चरेज्ज धम्मं, एवं सेज्जासमितिजोगेण भावितो भवति अंतरप्पा निच्चं अहिकरणकरणकारावण - पावकम्मविरते दत्तमणुन्नायउग्गहरुई । (४) च उत्थं साहारणपिंडपातलाभे भोत्तव्वं संजएण समियं न सायसूपाहिक, न खद्धं, ण वेगियं, न तुरियं, न चवलं, न साहसं, न य परस्स पोलाकरसावज्जं तह भोत्तव्वं जह से तंतियवयं न सीदति साहारणपिंडपायलाभे सुहुमं अदिन्नादाणवयनियमवेरमणं । एवं साहारणपिंडवायलाभे समितिजोगेण भावितो भवति अंतरप्पा निच्चं अहिकरणकरणकारावण (कारणा) पावकम्मविरते दत्तमणुन्नायउग्गहरुई । (५) पंचमगं साहम्मिएसु विणओ पउंजियव्वो, उवगरणपारणासु विणओ पउजियव्वो,वायणपरियट्टणासु विणओ पउंजियव्वो, . दाणगहणपुच्छणासु विणओ पउंजियव्वो, निक्खमणपवेसणासु विणओ पउंजियव्वो,अन्नेसु य एवमादिसु बहुसु कारणसएसु विणओ पउंजियव्वो, विणओवि तवो, तवोवि धम्मो, तम्हा विणओ पउंजियव्वो,गुरुसु साहूसु तवस्सीसु य विणओ पउंजियव्वो । एवं विणएण भाविओ भवइ अंतरप्पा णिच्चं अहिकरणकरणकारावण (कारणा) पावकम्मविरते दत्तमणुन्नायउग्गहरुई ।
एवमिणं संवरस्स दारं सम्म संच (व) रियं हाइ सुपणिहियं एवं जाव आघवियं सुदेसितं पसत्थं ।। (सू० २६) ततियं संवरदारं समत्तं तिबेमि ॥३॥
. संस्कृतच्छाया इदं च परद्रव्यहरणविरमगपरिरक्षणार्थतायै प्रावचनं भगवतासुकथितम्, आत्महितम्, प्रेत्याभाविकम्, आगमिष्यद्भद्रम्, शुद्धम्, नैयायिकम्, अकुटिलम्, अनुत्तरम्, सर्वदुःखपापानां व्युपशमनम् ।
