________________
६८०
श्री प्रश्नव्याकरण सूत्र
मूलपाठ
इमं च परदव्वहरणवेरमणपरिरक्खणट्ठयाए पावयणं भगवया सुकहियं अत्तहियं पेच्वाभावियं आगमेसिभ सुद्ध नेयाउयं अकुडिलं अणुत्तरं सव्वदुक्खपावाण विओवसमणं ।।
तस्स इमा पंच भावणाओ ततियस्स होंति, परदव्वहरणवेरमणपरिरक्खणट्ठयाए । (१) पढमं देवकुल-सभप्पवा-ऽऽवसहरुक्खमूल-आराम- कंदरागर-गिरिगुहा - कम्म उज्जाण-जाणसालाकुवितसाला-मंडव-सुन्नघर-सुसाण-लेण-आवणे अन्नंमि य एवमादियंमि दग-मट्टिय-बीज- हरित-तस- पाण: असंसत्ते अहाकडे फासुए विवित्ते पसत्थे उवस्सए होइ विहरियव्वं आहाकम्मबहुले य जे से आसित्त-संमज्जिओवलित्त - सोहिय-छायण-दूमण-लिंपणअणुलिंपण-जलण-भंडचालणं अंतो बहिं च असंजमो जत्थ वट्टई (वड्ढती) संजयाण अट्ठा वज्जेयव्यो हु उवस्सओ से तारिसए. सुत्तपडि(रि) कुट्ठ । एवं विवित्तवासवसहिसमितिजोगेण भावितो भवति अंतरप्पा निच्चं अहिकरणकरण-कारावण (कारणा)-पावकम्मविरतो दत्तमणुन्नायओग्गहरुई। (२) बितीयं आरामुज्जाणकाणण-वणप्पदेसभागे जं किचि इक्कडं व कठिणगं च जंतुगं (जवगं) च परामेरकुच्चकुसडब्भपलालमूयमवल्लय-पुप्फफल्लतयप्पवालकंदमूलतणकट्ठसक्करादी गेण्हइ सेज्जोवहिस्स अट्ठा न कप्पए उग्गहे अदिन्न मि गिण्हेउ जे हणि हरिण उग्गहं अणुन्नविय गेण्हियव्वं । एवं उग्गहसमितिजोगेण भावितो भवति अंतरप्पा निच्चं अहिकरणकरणकारावणपावकम्मविरते दत्तमणनायओग्गहरुई । (३) ततीयं पोढफलगसेज्जासंथारगट्ठयाए रुक्खा न छिदियव्वा, न छेदणेण भेदणेण सेज्जा कारेयव्वा, जस्सेव उवस्सए वसेज्ज सेज्जं तत्थेव गवेसेज्जा, न य विसमं समं करेज्जा, न निवाय
