________________
श्री प्रश्नव्याकरण सूत्र समराओ वि णिइंति अणहा य सच्चवादी । वहबंधऽभियोगवेरघोरेहि पमुच्चंति य अमित्तमज्झाहिं निइंति अणहा य सच्चवादी । सादेव्वाणि य देवयाओ करेंति सच्चवयणे रताणं । तं सच्चं भगवं तित्थक रसुभासियं दसविहं, चोद्दसपुव्वीहिं पाहुडत्थविदितं, 'महरिसीण य समयप्पदिन्नं, देविंदरिंदभासियत्थं, वेमाणियसाहियं, महत्थं,मंतोसहिविज्जासाहणत्थं,चारणगणसमणसिद्धविज्ज, मणुयगणाणं वंदणिज्ज, अमरगणणाणं अच्चणिज्ज, असुरगणाणं च पूयणिज्जं, अणेगपासं(खं)डिपरिग्गहितं, जं तं लोकमि सारभूयं, गंभीरतरं महासमुद्दाओ, थिरतरगं मेरुपव्वयाओ, सोमतरगं चंदमंडलाओ, दित्ततरं सूरमंडलाओ, विमलतरं सरयनहयलाओ, सुरभितरं गंधमादणाओ, जे वि य लोगंमि अपरिसेसा मंतजोगा जवा य विज्जा य जंभका य अत्थाणि य सत्थाणि य सिक्खाओ य आगमा य सव्वाणि वि ताई सच्चे पइट्ठियाइ। सच्चं पि य संजमस्स उवरोहकारकं किंचि न वत्तव्वं हिंसासावज्जसंप उत्तं, भेयविकहाकारकं, अणत्थवायकलहकारकं, अणज्जं, अववायविवायसपउत्तं, वेलंबं, ओजधेज्जबहुलं, निल्लज्ज, लोयगरहणिज्जं, दुदिठें, दुस्सुयं, अमुणियं । अप्पणो थवणा परेस निंदा--न तंसि मेहावी, ण तंसि धन्नो, न तसि पियधम्मो, न तंसि कुलीणो, न तंसि दाणपती, न तंसि सूरो, न तंसि पडिरूवो, न तंसि लट्ठो, न पंडिओ, न बहुस्सुओ, न वि य तं (सि) तवस्सी, ण यावि परलोगणिच्छियमतोऽसि, सव्वकालं जातिकुलरूववाहिरोगेण वावि जं होइ(वि)वज्जणिज्जं, दुहओ उवयारमतिक्कंतं एवंविहं सच्चंपि न वत्तव्वं । अह केरिसकं
१ 'महरिसिसमयपइन्नचिन्न' पाठ भी कहीं-कहीं मिलता है।
-सम्पादक
