________________
२४६
श्री प्रश्नव्याकरण सूत्र रुलंतनिभेल्लितंतफुरुफुरंत - ऽविगलमम्माहयविकयगाढदिन्नपहारसमुच्छितरुलंतवेंभलविलावकलुणे, हयजोह-भमंत-तुरग-उद्दाममत्तकुजर- परिसंकितजण- निब्बुकछिन्नधय - भागरहवरनट्ठसिरकरिकलेवराकिन्न-पतितपहरण-विकिन्नाभरणभूमिभागे, नच्चंतकबंधपउरभयंकरवायसपरिलेंतगिद्धमंडलभमंतच्छायंधकारगंभीरे , वसुवसुहाविकंपितव्व पच्चखपिउवणं परमरुद्दबीहणगं दुप्पवेसतरगं अभिवयंति संगामसंकडं परधणं महंता। " अवरे पाइक्कचोरसंघा सेणावतिचोरवंदपागड्ढिका य अडवीदेसदुग्गवासी कालहरितरत्तपीतसुक्किल्लअणेगसचिंधपट्टबद्धा परविसये अभिहणंति ।।
लुद्धा धणस्स कज्जे रयणागरसागरं उम्मीसहस्समालाउलाकुलवितोयपोतकलकलेंतकलियं, पायालसहस्सवायवसवेग-सलिल-उद्धममाणदगरयरयंधकारं, वरफेणपउरधवलपुलंपुलसमुट्ठियट्टहासं, मारुयविच्छभमाणपाणियं जलमालुप्पीलहुलियं, अवि य समंतओ खुभियलोलियखोखुब्भमाणपक्खलियचलियविउलजलचक्कवाल-महानईवेगतुरिय - आपूरमाण गंभीरविपुलआवत्तचवलभममाण . गुप्पमाणुच्छलंत - पच्चोणियत्त - पाणियपधाविय - खरफरुसपयंडवाउलिय - सलिल - फुट्टतवीतिकल्लोलसंकुलं, महामगरमच्छ-कच्छभोहार-गाह-तिमि-सुसुमारसावयसमाहय समुदायमाणकपूरघोरपउरं, कायरजणहिययकपरणं, घोरमारसंतं, महब्भयं, भयकरं, पतिभयं, उत्तासणगं, अणोरपारं, आगासं चेव निरवलंब, उप्पाइयपवणधणित-नोल्लिय - उवरुवरितरंगदरिय-अतिवेगवेगचक्खुपहमुच्छरंतं, कच्छ (त्थ)इ गंभीर विपुलगज्जियगुजिय . निग्घायगरुयनिवतितसुदीहनीहारिदूरमुच्चंतगंभीरधुगधुगंतसद्द, पडिपह-रुभंतजक्खरक्खसकुहंडपिसायरुसियतज्जायउवसग्गसहस्ससंकुलं, बहुप्पाइयभूयं, विरचित
