________________
तृतीय अध्ययन : अदत्तादान - आश्रव
बलिहोमधूव उवचारदिन्नरुधिरच्चणाकरणपयतजोगपययचरियं परियंत जुगंत काल कप्पोवमं, दुरंत महानईनईवइमहाभीमदरिसणिज्जं, दुरणुच्चरं विसमप्पदेसं, दुक्खुत्तारं दुरासयं, लवणसलिल पुण्णं, असियसियस मुसियगेहि, (दच्छ) हत्थ तर गेहि वाहणेहि अइवइत्ता समुद्दमज्झे हणंति, गंतूण जणस्स पोते । परदव्वा नरा णिरणुकंपा, निरवकंखा, गामानगर खेडकव्वम दो मुह-पट्टणासमणिगम जणवए ते य धणसमिद्ध े हणंति, थिरहियया य छिन्नलज्जा बंदिग्गाहगोग्गहे य गण्हंति, दारुणमती निक्किवा ( णिक्किया) णियं हरणंति, छिदंति गेहसंधि, निक्खिताणि य हरंति, धणधन्नदव्वजायाणि जणवयकुलाणं णिग्विणमती परस्स दव्वाहि जे अविरया । तहेव केइ अदिन्नादाणं गवेसमाणा कालाकालेसु संचरंता चियकापज्जलिय सरस-दरदड्ढकड्ढियकलेवरे रुहिरलित्तवयण- अखत खातिय-पीतडाइणि-भमंतभयंकरे, जंबुयक्खिक्खियंते, घूयकयघोरसद्दे, वेयालुट्ठियनिसुद्ध कहकहित पहसित-बीहणक निरभिरामे, अतिदुब्भिगंधबीभच्छदरिसणिज्जे, सुसाण वण सुन्नघर लेण अंतरावणगिरिकंदर - विसमसावयसमाकुलासु वसहीसु किलिस्संता, सीतातवसोसियसरीरा, दड्ढच्छवी, निरयतिरियभवसंकडदुक्ख संभार वेयणिज्जाणि पावकम्माणि संचिता, दुल्लहभक्खन्नपाणभोयणा, पिवासिया, झुझिया, किलंता, मंसकुणिमकंदमूल जंकिचिकयाहारा, उब्विगा, उप्पुया ( उस्सुया ), असरणा, अडवीवासं उवेंति वालसतसंकणिज्जं ।
-
1
-
-
"
२४७
,
अयसकरा तक्करा भयंकरा कस्स हरामोत्ति अज्ज दव्वं इति सामत्थं करेंति गुज्झ, बहुयस्स जणस्स कज्जकरणेसु विग्धकरा, मत्तपमत्तपसुत्तवी सत्थच्छिद्दघाती वसण
