________________
द्वितीय अध्ययन : मृषावाद-आश्रव
१५६ गुरुतप्पओ, अण्णे एमेव भणंति उवाहणंता मित्तकलत्ताइ सेवंति, अयं पि लुत्तधम्मो, इमो वि विस्संभघायओ पावकम्मकारी अकम्मकारी अगम्मगामी, अयं दुरप्पा बहुएसु य पावगेसु जुत्तो त्ति एवं जंपंति मच्छरी, भद्दके वा गुणकित्तिनेहपरलोगनिप्पिवासा, एवं ते अलियवयणदच्छा परदोसुप्पायणपसत्ता वेढेति । अक्खतियबीएण अप्पाणं कम्मबंधणेण, मुहरी असमिक्खियप्पलावी निक्खेवे अवहरंति, परस्स अत्थंमि गढियगिद्धा अभिजुजंति य परं असंतएहिं, लुद्धा य करेंति कूडसक्खित्तणं, असच्चा अत्थालियं च कन्नालियं च भोमालियं च तह गवालियं च गरुयं भणंति अहरगतिगमणं । अन्नपि य जातिरूवकुलसीलपच्चयं मायाणिपु (गु) णं, चवलपिसुणं परमट्ठभेदकमसंतकं विद्दे समणत्थकारकं, पावकम्ममूलं दुट्टि दुस्सुयं अमुणियं णिल्लज्जं लोकगरहणिज्जं वहबंधपरिकिलेसबहुलं,जरामरणदुक्खसोयनिम्मं (नेम), असुद्धपरिणामसंकिलिट्ठ भणंति, अलियाहिसंधिसंनिविट्ठा असंतगुणुदीरका य संतगुणनासका य हिंसाभूतोवघातितं अलियसंपउत्ता वयणं सावज्जमकुसलं साहुगरहणिज्ज अधम्मजणणं भणंति अणभिगयपुन्नपावा । पुणो य अहिकरणकिरियापवत्तका बहुविहं अणत्थं अवमदं अप्पणो परस्स य करेंति । एमेव जंपमाणा महिससूकरे य साहिति घायगाणं, ससयपसय-रोहिए य साहिति वागुराणं, तित्तिरवट्टकलावके य कविजल-कवोयके य साहिति साउणीणं, झसमगरकच्छभे य साहिति मच्छियाणं, संखंके खुल्लए य साहिति मगराणं, अयगरगोणसमंडलिदव्वीकरे मउली य साहिति वालवीणं (वायलियाणं), गोहासेहगसल्लगसरडगे य साहिति लुद्धगाणं, गयकुलवानरकुले या साहिति पासियाणं, सुकबरहिणमयणसालकोइलहंसकुले सारसे य साहिति पोसगाणं, वधबंधजायणं च साहिति गोम्मियाणं, धणधन्नगवेलए य साहिति तकराणं, गामागरनगर
