________________
१५८
श्री प्रश्नव्याकरण सूत्र
एगे भवे तस्स विप्पणासंमि सव्वनासोत्ति एवं जंपंति मुसावादी । तम्हा दाणवयपोसहाणं तवसंजमबंभचेरकल्लाणमाइयाणं नत्थि फलं, नवि य पाणवहे अलियवयणं, न चेव चोरिक्ककरणं, परदारसेवरणं वा, सपरिग्गहपावकम्मकरणं पि नत्थि किंचि, न नेरइयतिरियमणुयाण जोणी, न देवलोको वा अत्थि, न य अत्थि सिद्धिगमणं, अम्मापियरो नत्थि, नवि अत्थि पुरिसकारो, पंच्चक्खाणमवि नत्थि, नवि अत्थि कालमच्चू य, अरिहंता चक्कवट्टी बलदेवा वासुदेवा नत्थि, नेवत्थि केइ रिसओ, धम्माधम्मफलं च नवि अत्थि किचि बहुयं च थोवगं वा, तम्हा एवं विजाणिऊण जहा सुबह इंदियाणुकूले सव्वविसएस वट्टह, नत्थि काइ किरिया वा अकिरिया वा, एवं भरणंति नत्थिकवादिणो वामलोगवादी । .
इमं पिबतियं कुदंसणं असम्भाववाइणो पण्णवेंति मूढा - संभूतो अंडकाओ लोगो सयंभुणा सयं च निम्मिओ, एवं एवं अलियं (पपंति) पयावरणा इस्सरेण य कथं ति केइ, एवं विण्डु'मयं कसिणमेव य जगं (ति) केई, एवमेके वदंति मोसं- एगो आया अकारको (अ) वेदको यसुकयस्स दुक्कयस्स य करणाणि कारणाणि सव्वा सव्वा च निच्चो य निक्किओ निग्गुणो य अणुवलेवओ ( अन्नो लेवउ ) त्ति वियं एवमाहंमु असब्भावं, जंपि इहं किंचि जीवलोके दीसइ सुकयं वा दुकयं वा एयं जदिच्छाए वा सहावेण वावि दइवतप्पभावओ वावि भवति, न (त) त्थेथ (थं) किंचि कयकं तत्तं लक्खणविहाणं नियती (ए) कारि (यं) या, एवं केइ जंपंति इड्डि रससायगारवपरा, बहवे (धम्म) करणालसा परूवेंति धम्मविमंसएण मोसं, अवरे अहम्मओ रायदुट्ठ अभक्खाणं भणें ति अलियं चोरोत्ति अचोरयं करेंतं, डामरिउ त्ति वि य एमेव उदासीणं, दुस्सीलोत्ति य परदारं गच्छति त्ति मइलिति सीलकलियं अयं पि
१ किसी प्रति में 'विण्डुकयं' ऐसा पाठ भी है ।
- सम्पादक
