________________
MAIN
सिद्धान्तचन्द्रिका।
सुबोधिनी-तत्त्वदीपिका-टीकाहयोपेता।
(उत्तरार्धम् )
धातोः ॥ इदमधिक्रियते ॥
सुबोधिनी। सार्वीयं सच्चिदानन्दं नामनामं जगत्प्रभुम् ।। सिद्धान्तचन्द्रिकाख्यातवृत्तिश्च क्रियतेतराम् ॥ १॥ धातोः॥ अधिकारोऽयं प्राड़ नानो य इत्यतः। किमर्थोऽयमधिकारः। उच्यते, ऊरीकरोति, शुक्लीभवति, सहार्य: स्यादित्यादौ ऊर्यादिच्च्यन्तयोर्धातोः प्राक् प्रयोगस्य नियतत्वेन विशिष्टात् प्रत्ययोत्पत्तिर्यथा न स्यात् । अन्यथा अद्वित्वयोर्दोषो दुवारः स्यादित्यधिकारः।
तत्त्वदीपिका। प्रणम्य श्रीपतिं वाणी नारायणमनामयम् । सिद्धान्तचन्द्रिकाख्यातव्याकृतिरुच्यतेऽधुना ॥१॥ धातोरिति ॥ अधिकारोऽयमित्याह । इदमिति ।। सूत्रमिति विशेष्यं पदं वा । नाम्नो य इत्यतः प्रागविकारो बोध्यः । अधिकारफलं तु ऊरीकरोति शुक्लीभवतीत्यादौ च्च्यन्त्रस्य धातोः प्राक् प्रयोगनियमेन तत्सहिताद्धातोः प्रत्ययोत्पत्तिर्यथा न स्यात्, अन्यथाऽद्वित्वयोदोषो दुर्वारः स्यात् । न च नामव्यावृत्तिरेव फलमिति वाच्यम्, ततः विधानेनैव तद्बाधनात् । सिबन्ततिबन्तव्यावृत्तिरपि न फलं
