________________
- योगशास्त्रे
यदाह
यदि सत्सङ्गनिरतो भविष्यसि भविष्यसि । अथासज्जनगोष्ठीषु पतिथसि पतिष्यसि ॥ १ ॥ सङ्गः सर्वात्मना त्याज्यः स चेत्त्यक्तुं न शक्यते । स सद्भिः सह कर्तव्यः सन्तः सङ्गस्य भेषजम् ॥ २ ॥
॥ इति च ॥८॥ तथा माता जननी पिता जनकम्तयोः पूजकस्त्रिसन्ध्यं प्रणामकरणन परलोकहितानुष्ठाननियोजनेन सकलव्यापारेषु तदाजया प्रवृत्त्या वर्णगन्धादिप्रधानस्य पुष्यफलादिवस्तुन उपढौकनेन तद्भोगे भोगेन चात्रादीनामन्यत्र तदनुचितादिति माता च पिता च मातापितरौ “आइन्हे" ॥ ३ । २ । ३८ ॥ इत्यात्वं मातुश्चाभ्यर्हितत्वात्पूर्वनिपातः । यन्मनुः
उपाध्याया दशाचार्य आचार्याणां शतं पिता।
सहस्रं तु पितुर्माता गौरवेणातिरिच्यते ॥ १ ॥ ८ ॥ . तथा त्यजन् परिहरन् उपप्लुतं स्वचक्रपरचक्रविरोधाहुर्भिक्षमारीतिजनविरोधादेश्वावस्थीभूतं यत् स्थान प्रामनगरादि । अत्यज्यमाने हि तस्मिन् धम्मार्थकामानां पूर्वार्जितानां विनाशन नवानां चानुपार्जनेनोभयलोकभ्रंश एव स्यात् ॥ १० ॥
तथा गर्हितं देशजातिकुलापेक्षया निन्दितं कर्म तत्राप्रवृत्तः । देशगर्हितं यथा
सौवीरेषु कषिकर्म । लाटेषु मद्यसन्धानम् ।
