Page Text
________________
[ अव्ययानि ]
टीकाद्वयोपेता |
( १८१ )
आदाने यथा । आदत्ते || अनुभवे यथा । आशीतम् ॥ विस्मये यथा । आ एवं किल तत् ॥ १० ॥ प्रतिष्ठायां यथा । आस्पदम् || आदेशे यथा । आदिष्टः ॥ मर्यादायां यथा । आमुक्तैर्दुःखम् ॥ स्पर्धायां यथा । आह्वयते मलं मल्लः ॥ मुख्ये यथा । आगच्छति || ऊर्ध्वकर्मणि यथा । आरोहति पर्वतम् ॥ "नी राज्यधोभृशादेश नित्यकौशलबन्धने || ११|| अन्तर्भावे समीपे च दर्शनोपरमाश्रये ॥ " नि- राशौ यथा । निकरो मणीनाम् ॥ अधो यथा । निपतति ॥ अभृशे यथा । निगृहीतः । आदेश यथा । निदर्शितम् ॥ नित्ये यथा । निविशते ॥ कौशले यथा । निपुणः ॥ बन्धने यथा । निवद्धः ॥ ११ ॥ अन्तर्भावे यथा । निपीतमुदकं सिकताभिः ॥ समीपे यथा । निकृष्टः ॥ दर्शने यथा । निदर्शनम् ॥ उपरमे यथा । निवृत्तः पणः ॥ आश्रये यथा निलयः || "अधिरध्ययनैश्वर्यवशित्वमरणाधिके ॥ ॥ १२ ॥ ” अधि-अध्ययने यथा । उपाध्यायादधीते ॥ ऐश्वर्ये यथा । अधिपतिः ॥ वशित्वे यथा । अधीनः॥ स्मरणे यथा । मातुरध्येति ॥ अधिके यथा । अधिकृतम् ॥ १२ ॥ “अपिः संभवगर्हाशीर्मृतिभूपासमुच्चये ॥" संभवे यथा । अपि प्रयोजनमस्ति ॥ गर्हायां यथा । अपि पापिनः ॥ आशिपि यथा । भद्रमपि ॥ मृतौ यथा । मरणमपिः ॥ भूषायां यथा । अपिनह्यति हारम् ॥ समुच्चये यथा । तदपि विक्रामति ॥ "विक्रमातिक्रमाबुद्धभृशार्थातिशयेष्वति ॥ १३ ॥ अति - विक्रमे यथा । अतिरथः ॥ अतिक्रमे यथा । अतिक्रामति ॥ अबुद्धे यथा । अतिगहनम् ॥ भृशार्थे यथा । अतितप्तम् ॥ अतिशये यथा । अतिमनुते ॥ १३ ॥ " प्रशंसानुमते पूजा भृशकृच्छ्रराभेषु सुः ॥” प्रशंसायां यथा । सुरूपः ॥ अनुमते यथा । सुकृतम् ॥ पूजायां यथा | सुसाधुः ॥ भृशे यथा । सुतप्तः ॥ कृच्छ्रे यथा । सुदुष्करम् ॥ शुभे यथा । सुगन्धः || "उत्प्राबल्यवियोगोर्ध्वकर्मलाभप्रकाशने || १४ || आश्चर्ये मोक्षणेऽभावे चलप्राधान्यशक्तिषु ॥” उद्-प्राबल्ये यथा । उद्वलः ॥ वियोगे यथा । उद्गच्छति ॥ ऊर्ध्वकर्मणि यथा । उत्तिष्ठति शयनात् ॥ लाभे यथा । उत्पन्नम् ॥ प्रकाशने यथा । उच्चरति ॥ १४ ॥ आश्चर्ये यथा । उत्सुकः ॥ मोक्षणे यथा । उद्गतोऽश्वः ॥ अभावे यथा । उत्पथः ॥ चले यथा । उत्कः ॥ प्राधान्ये यथा । उद्दिष्टः ॥ शक्तौ यथा । उत्साहः || "अभिः पूजाभृशार्थेच्छाव्याधिसाम्याभिमुख्यके ॥ १५ ॥ सारूप्यवचनाहारस्वाध्यायेषु निरूपितः ॥ " अभि- पूजायां यथा । अभिवन्दते देवम् ॥ भृशे यथा । अभियुक्तः ॥ इच्छायां यथा । अभिलिप्सते ॥ व्याधौ यथा | अभिस्यन्दो व्याधिः ॥ साम्ये यथा । अभिजातः ॥ आभिमुख्यके यथा । अभिमुखम् ॥ १५ ॥ सारूप्ये यथा । अभिरूपः ॥ वचने यथा | अभिधानम् ॥ आहारे यथा । अभ्यवहरति ॥ स्वाध्याये यथा । अभ्यस्यति ॥ " सादृश्यादानहिंसाङ्गीकृतौ प्रतिनिधौ क्वचित् ॥ १६ ॥ व्याध्याभिमुख्ययोव्र्व्याप्तौ वारणे प्रतिरु
| SR No. | 002369 |
| Book Title | Siddhant Chandrika Purvarddham |
| Original Sutra Author | N/A |
| Author | Ramsharma Pandit |
| Publisher | Kshemraj Krishnadas |
| Publication Year | 1800 |
| Total Pages | 372 |
| Language | Sanskrit |
| Classification | Book_Devnagari |
| File Size | 12 MB |