________________
सूयगडम्मि . [1. 11. 35संधए साहुधम्मं च पावधम्मं निराकरे। उवहाणवीरिए भिक्खू कोहं माणं न पत्थए ॥ ३५ ॥ जे य बुद्धा अतिक्कन्ता जे य बुद्धा अणागया । सन्ति तेसिं पइटाणं भूयाणं जगई जहा ॥ ३६ ॥ अह णं वयमावन्नं फासा उच्चावया फुसे । न तेसु विणिहण्णेजा वाएण व महागिरी ॥ ३७॥ संवुडे से महापन्ने धीरे दत्तेसणं चरे । निव्वुडे कालमाकंखी एवं केवलिणो मयं ॥ ३८ ॥
ति बेमि ॥ मग्गज्झयणं एयारहमं ॥
समोसरणज्झयणे बारहमे
1. 12.
चत्तारि समोसरणाणिमाणि पावादुया जाइँ पुढो वयन्ति । किरियं अकिरियं विणयं ति तइयं अन्नाणमाहंसु चउत्थमेव ॥ १॥ अन्नाणिया ता कुसला वि सन्ता असंथुया नो वितिगिच्छतिण्णा । अकोविया आहु अकोवियेहिं अणाणुवीइत्तु मुसं वयन्ति ॥ २॥ सच्चं असचं इति चिन्तयन्ता असाहु साहु त्ति उदाहरन्ता । जेमे जणा वेणझ्या अणेगे पुट्ठा वि भावं विणइंसु नाम ॥ ३ ॥ अणोवसंखा इइ ते उदाहु अहे स ओभासइ अम्ह एवं । लवावसंकी य अणागएहिं नो किरियमाहंसु अकिरियवाई ॥ ४ ॥ संमिस्सभावं च गिरा गहीए से मुम्मुई होइ अणागुवाई । इमं दुपक्खं इममेगपक्खं आहंमु छलाययणं च कम्मं ॥ ५॥
