________________
1. 11. 34.]
मग्गज्झयणे वुज्झमाणाण पाणाणं किञ्चन्ताण सकम्मणा । आघाइ साहु तं दीवं पइटेसा पवुचई ॥ २३ ॥ आयगुत्ते सया दन्ते छिन्नसोए अणासवे । जे धम्मं सुद्धमक्खाइ पडिपुण्णमणेलिसं ॥ २४ ॥ तमेव अवियाणन्ता अबुद्धा बुद्धमाणिणो । बुद्धा भो त्ति य मन्नन्ता अन्त एए समाहिए ॥ २५ ॥ ते य बीयोदगं चेव तमुदिस्सा य जं कडं । भोचा झाणं झियायान्त अखेयन्नासमाहिया ॥ २६ ॥ जहा ढंका य कंका य कुलला मग्गुका सिही । मच्छेसणं झियायन्ति झाणं ते कलुसाधर्म ।। २७ ॥ एवं तु सभणा एगे मिच्छदिही अणारिया । विसएसणं झियायन्ति कंका वा कलुसाहमा ॥ २८ ॥ सुद्धं मग्गं विराहित्ता इहमेगे उ दुम्मई। उम्मग्गगया दुक्खं घायमेसन्ति तं तहा ॥ २९ ॥ जहा आसाविणिं नावं जाइअन्धो दुरूहिया । इच्छई पारमागन्तुं अन्तरा य विसीयइ ॥ ३० ॥ एवं तु समणा एगे मिच्छदिट्टी अणारिया । सोयं कसिणमावन्ना आगन्तारो महन्मयं ॥ ३१ ॥ इमं च धम्ममायाय कासवेण पवेयं । तरे सोयं महाघोरं अचत्ताए परिव्वए ॥ ३२ ॥ विरए गामधम्मोहिं जे केइ जगई जगा । तेसिं अवुत्तमायाए थामं कुव्वं परिव्वए ॥ ३३ ॥ अइमाणं च मायं च तं परिन्नाय पण्डिए । सव्वमेयं निराकिच्चा निव्वाणं संधए मुणी ॥ ३४ ॥
