________________
सूयगडम्मि
[1.9.7चिच्चा वित्तं च पुत्ते य नाइओ य परिग्गहं । चिच्चा ग अन्तगं सोयं निरवेक्खो परिव्वए ॥ ७॥ पुढवी अगणी वाऊ तणरुक्ख सबीयगा। अण्डया पोयजराऊ रससंसेयउब्भिया ॥८॥ एएहिं छहिं काएहिं तं विजं परिजाणिया । मणसा कायवक्केणं नारम्भी न परिग्गही ॥ ९ ॥ मुसावायं बहिद्धं च उग्गहं च अजाइया । सत्थादाणाइ लोगसि तं विजं परिजाणिया ॥ १० ॥ पलिउश्चणं च भयणं च थण्डिल्लुस्सयणाणि य । धूणादाणाइ लोगसि तं विजं परिजाणिया ॥११॥ धोयणं रयणं चेव बत्थीकम्मं विरेयणं । वमणञ्जणपलीमंथं तं विजं परिजाणिया ॥१२॥ गन्धमल्लसिणाणं च दन्तपक्खालणं तहा । परिग्गहित्थिकम्मं च तं विजं परिजाणिया ॥ १३ ॥ उद्देसियं कीयगडं पामिचं चेव आहडं । पूयं अणेसणिजं च तं विजं परिजाणिया ॥ १४ ॥ आसूणिमक्खिरागं च गिद्धवघायकम्मगं । उच्छोलणं च ककं च तं विजं परिजाणिया ॥ १५ ॥ संपसारी कयकिरिए पसिणाययणाणि य । सागारियं च पिण्डं च तं विजं परिजाणिया ॥१६॥ अट्ठावयं न सिक्खिज्जा वेहाईयं च नो वए । हत्थकम्मं विवायं च तं विजं परिजाणिया ॥ १७॥ पाणहाओ य छत्तं च नालीयं वालवीयणं । परकिरियं अन्नमन्नं च तं विजं परिजाणिया ॥ १८ ॥
