________________
1. 9.6.]
धम्मज्झयणे तेसि पि न तवो सुद्धो निक्खन्ता जे महाकुला। जं नेवन्ने वियाणन्ति न सिलोगं पवेजए ॥ २४ ॥ अप्पपिण्डासि पाणासि अप्पं भासेज सुब्बए । खन्ते भिनिव्वुडे दन्ते वीयगिद्धी सया जए ॥ २५ ॥ झाणजोगं समाहट्ट कायं विउसेज सव्यसो । तितिक्खं परमं नचा आमोक्खाए परिवएजासि ॥ २६ ॥
त्ति बेमि ॥
वीरियज्झयणं अट्ठमं
धम्मज्झयणे नवमे
1.9.
कयरे धम्म अक्खाए माहणेण मईमया । अञ्जु धम्मं जहातचं जिणाणं तं सुणेह मे ॥ १ ॥ माहणा खत्तिया वेस्सा चण्डाला अदु बोक्कसा । एसिया वेसिया सुद्दा जे य आरम्भनिस्सिया ॥२॥ परिग्गहनिविहाणं पावं तेसिं पवड्डई। आरम्भसंभिया कामा न ते दुक्खविमोयगा ॥३॥ आघायकिच्चमाहेउं नाइओ विसएसिणो । अन्ने हरन्ति तं वित्तं कम्मी कम्मेहि किचई ॥ ४॥ माया पिया ण्हुसा भाया भजा पुत्ता य ओरसा । नालं ते तव ताणाय लुप्पन्तस्स सकम्मणा ।। ५ ॥ एयम सपेहाए परमाणुगामियं । .. निम्ममो निरहंकारो चरे भिक्खू जिणाहियं ॥६॥
