________________
सूयगडम्मि
[1. 8. 12ठाणी विविहठाणाणि चइस्सन्ति न संसओ। अणियए अयं वासे नायएहि सुहीहि य ॥ १२ ॥ एवमायाय मेहावी अप्पणो गिद्धिमुद्धरे । आरियं उवसंपजे सम्बधम्ममकोवियं ॥ १३ ॥ सहसंमइए नचा धम्मसारं सुणेत्तु वा । समुवहिए उ अणगारे पञ्चक्खायपावए ॥ १४ ॥ जं किंचुवकमं जाणे आउक्खेमस्स अप्पणो । तस्सेव अन्तरा खिप्पं सिक्खं सिक्खेज पण्डिए ॥ १५ ॥ जहा कुम्मे सअङ्गाई सए देहे समाहरे । एवं पावाइँ मेहावी अज्झप्पेण समाहरे ॥ १६ ॥ साहरे हत्थपाए य मणं पश्चिन्दियाणि य । पावगं च परीणामं भासादासं च तारिसं ॥ १७ ॥ अणु माणं च मायं च तं परिनाय पण्डिए । सायागारवणिहुए उवसन्ते निहे चरे ॥ १८ ॥ पाणे य नाइवाएजा अदिन्नं पि य नायए । साइयं न सं बूया एस धम्मे बुसीमओ ॥ १९ ॥ अइक्कम्मन्ति वायाए मणसा वि न पत्थए । सव्वओ संवुडे दन्ते आयाणं सुसमाहरे ॥ २० ॥ कडं च कञ्जमाणं च आगमिस्सं च पावगं । सव्वं तं नाणुजाणन्ति आयगुत्ता जिइन्दिया ॥ २१ ॥ जे याबुद्धा महाभागा वीरा असमत्तदंसिणो । असुद्धं तेसिं परक्वन्तं सफलं होइ सब्यसो ॥ २२ ॥ जे य बुद्धा महाभागा वीरा सम्मत्तदंसिणो। . सुद्धं तेसिं परकन्तं अफलं होइ सव्वसो ॥ २३ ॥
