________________
1. 8. 11.]
वीरियज्झयणे वीरियज्झयणे अहमे
1. 8. दुहा वेयं सुयक्खायं वीरियं ति पवुच्चई । किं नु वीरस्स वीरत्तं कहं चेयं पवुच्चई ॥ १ ॥ कम्ममेगे पवेदेन्ति अकम्मं वा वि सुचया । एएहिं दोहि ठाणेहिं जेहिं दीसन्ति मचिया ॥ २ ॥ पमायं कम्ममाहंसु अप्पमायं तहावरं । तब्भावादेसओ वा वि बालं पण्डियमेव वा ॥ ३॥ सत्थमेगे तु सिक्खन्ता अइवायाय पाणिणं । एगे मन्ते अहिज्जन्ति पाणभूयविहेडिणो ॥ ४ ॥ मायिणो कट्ट माया य कामभोगे समारभे । हन्ता छेत्ता पगभित्ता आयसायाणुगामिणो ॥५॥ मणसा वयसा चेव कायसा चेव अन्तसो। आरओ परओ वा वि दुहा वि य असंजया ॥ ६ ॥ वेराइं कुबई वेरी तओ वेरेहि रजई । पावोवगा य आरम्भा दुक्खफासा य अन्तसो ॥७॥ संपरायं नियच्छन्ति अत्तदुक्कडकारिणो । रागदोसस्सिया बाला पावं कुव्वन्ति ते बहुं ॥ ८ ॥ एवं सकम्मविरियं बालाणं तु पवेइयं । इत्तो अकम्मविरियं पण्डियाणं सुणेह मे ॥९॥ दविए बन्धणुम्मुक्के सव्वओ छिन्नबन्धणे । पणोल्ल पावगं कम्मं सल्लं कन्तइ अन्तसो ॥ १० ॥ नेयाउयं सुयक्खायं उवायाय समीहए । भुजो भुजो दुहावासं असुहत्तं तहा तहा ॥ ११॥
