________________
1. 6. 29.] सिरिवीरत्थुइयज्झयणे
जहा सयंभू उदहीण सेढे नागेसु वा धरणिन्दमाहु सेहूँ । खोओदए वा रस वेजयन्ते तवोवहाणे मुणि वेजयन्ते ॥ २० ॥ हत्थीसु एरावणमाहु नाए सीहो मिगाणं सलिलाण गङ्गा । पक्खीसु वा गरुळे वेणुदेवो निव्वाणवादीणिह नायपुत्ते ॥२१॥ जोहेसु नाए जह वीससेणे पुप्फेसु वा जह अरविन्दमाहु । खत्तीण सेटे जह दन्तवक्के इसीण सेढे तह बद्धमाणे ॥२२॥ दाणाण सेहँ अभयप्पयाणं सच्चेसु वा अणवजं वयन्ति । तवेसु वा उत्तमं बम्भचेरं लोगुत्तमे समणे नायपुत्ते ॥२३॥ ठिईण सेट्ठा लवसत्तमा वा सभा सुहम्मा व सभाण सेट्टा । निव्वाणसेट्ठा जह सव्वधम्मा न नायपुत्ता परमत्थि नाणी ॥२४॥ पुढोवमे धुणइ विगयगेही न संनिहिं कुब्वइ आसुपन्ने । तरिउं समुदं व महाभवोघं अभयंकरे वीर अणन्तचक्खू ॥२५॥ कोहं च माणं च तहेव मायं लोभं चउत्थं अज्झत्तदोसा। एयाणि वन्ता अरहा महेसी न कुबई पाव न कारवेइ ।। २६ ॥ किरियाकिरियं वेणइयाणुवायं अन्नाणियाणं पडियच्च ठाणं । से सव्ववायं इइ वेयइत्ता उवहिए संजमदीहरायं ॥ २७॥ से वारिया इत्थि सराइभत्तं उचहाणवं दुक्खखयट्टयाए । लोगं विदित्ता आरं परं च सव्वं पभू वारिय सव्ववारं ॥ २८ ॥ सोचा य धम्मं अरहन्तभासियं समाहियं अहपदोवसुद्धं । तं सद्दहाणा य जणा अणाऊ इन्दा व देवाहिव आगमिस्सन्ति
॥ २९ ॥ त्ति बेमि ॥
सिरिवीरत्थुइयज्झयणं छटुं
