________________
1. 4. 1. 26.] इत्थिपरिनज्झयणे
समणं पि दुदासीणं तत्थ वि ताव एगे कुप्पन्ति । अदु वा भोयणेहि नत्थेहिं इत्थीदासं संकिणो होन्ति ॥ १५ ॥ कुम्वन्ति संथवं ताहिं पन्भट्ठा समाहिजोगेहिं । तम्हा समणा न समेन्ति आयहियाए संनिसेजाओ ॥ १६ ॥ बहवे गिहाई अवहट्ट मिस्सीभावं पत्थुया य एगे। . धुवमग्गमेव पवयन्ति वायावीरियं कुसीलाणं ॥ १७ ॥ सुद्धं रखइ परिसाए अह रहस्सम्मि दुकडं करेन्ति । जाणन्ति य णं तहाविऊ माइल्ले महासढेऽयं ति ॥ १८ ॥ सयं दुक्कडं च न वयइ आइहो वि पकत्थइ बाले । वेयाणुवीइ मा कासी चोइजन्तो गिलाइ से भुञ्जो ॥ १९ ॥ ओसिया वि इत्थिपोसेसु पुरिसा इत्थिवेयखेयन्ना। पन्नासमन्निया वेगे नारीणं वसं उवकसन्ति ॥ २० ॥ अवि हत्थपायछेयाए अदु वा वद्धमंसउक्कन्ते । अवि तेयसाभितावणाणि तच्छिय खारसिंचणाइँ य ॥ २१ ॥ अदु कण्णनासछेयं कण्ठच्छेयणं तिइक्खन्ती । इइ एत्थ पावसंतत्ता न वेन्ति पुणो न काहिन्ति ॥ २२ ॥ सुयमेयमेवमेगेसिं इत्थीवेय ति हु सुयक्खायं । एयं पिता वइत्ताणं अदु वा कम्मुणा अवकरेन्ति ॥ २३ ॥ अन्नं मणेण चिन्तेन्ति वाया अन्नं च कम्मुणा अन्नं । तम्हा न सद्दहे भिक्खू बहुमायाओं इथिओ नच्चा ॥ २४ ॥ जुवई समणं बूया विचित्तलंकारवत्थगाणि परिहित्ता। . विरया चरिस्सहं रुखं धम्ममाइक्ख णे भयन्तारो ॥ २५ ॥ अदु सावियापवाएणं अहमसि साहम्मिगी य समणाणं । जउकुम्भे जहा उवजोई संवासे विऊ विसीएजा ॥ २६॥
