________________
सूयगडम्मि
[].3.2.3
पिया ते थेरओ ताय ससा ते खुड्डिया इमा । भायरो ते सगा ताय सोयरा किं जहासि णे ॥३॥ मायरं पियरं पोस एवं लोगो भविस्सइ । एवं खु लोइयं ताय जे पालेन्ति य मायरं ॥ ४ ॥ उत्तरा महुरुल्लावा पुत्ता ते ताय खुड्या । भारिया ते नवा ताय मा सा अन्नं जणं गमे ॥५॥ एहि ताय घरं जामो मा य कम्मे सहा वयं । बिइयं पि ताय पासामो जामु ताव सयं गिहं ॥ ६ ॥ गन्तुं ताय पुणो गच्छे न तेणासमणो सिया । अकामगं परिक्कम्मं को ते वारिउमरिहइ ॥ ७ ॥ जं किंचि अणगं ताय तं पि सव्वं समीकयं । हिरण्णं ववहाराइ तं पि दाहामु ते वयं ॥ ८ ॥ इच्चेव णं सुसेहन्ति कालुणीयसमुडिया । विबद्धो नाइसंगेहिं तओ गारं पहावइ ॥९॥ जहा रुक्खं वणे जायं मालुया पडिबन्धइ । एवं णं पडिबन्धन्ति नाइओ असमाहिणा ॥ १० ॥ विबद्धो नाइसंगेहिं हत्थी वा वि नवग्गहे । पिडओ परिसप्पन्ति सुय गो व्य अदूरए ॥ ११ ॥ एए संगा मणूसाणं पायाला व अतारिमा । कीवा जत्थ य किस्सन्ति नाइसंगेहि मुच्छिया ॥ १२॥ तं च भिक्खू परिनाय सव्वे संगा महासवा । जीवियं नायकंखिजा सोचा धम्ममणुत्तरं ॥ १३ ॥ अहिमे सन्ति आवट्टा कासवणं पवेइया । बुद्धा जत्थावसप्पन्ति सीयन्ति अबुहा जहिं ॥ १४ ॥
